Daily news
Стефан Талевски и Симона Костадинова ја претставија Македонија во проектот „Фудбал за пријателство“
Петтата сезона на детскиот меѓународен општествен проект „Фудбал за пријателство“ на „Газпром“ се одржа изминатата недела, во Санкт Петербург, во кој учествуваа деца од 64 земји.
Овој проект ги обедини младите фудбалери – Амбасадори на проектот, од 64 земји. Момчиња и девојчиња на 12-годишна возраст беа групирани во 8 интернационални тимови на пријателство. Улогата на тренери ја изведоа млади фудбалери – учесници во претходните сезони на проектот.
Беа спроведени тренинзи, водени од млади тренери и познати фудбалери, кои им помогнаа на младите фудбалери да воспостават меѓусебни односи, да ги елаборираат тимските тактики и да ја почувствуваат поддршката од другите членови во тимот.
Македонските учесници, Стефан Талевски, фудбалер од подмладокот на ФК „Пелистер“ од Битола, и Симона Костадинова, млад новинар – ученик од Скопје, беа дел од сите активности на проектот заедно со младите претставници од другите земји. Стефан се натпреваруваше во тимот Цијан, а Симона, како млад новинар, известуваше за сите настани во рамки во детскиот „Фудбал за пријателство“ прес-центар.
Пред започнувањето на финалните натпревари, главниот тренер на тимот од Санкт Петербург кој игра рагби во инвалидски колички, преку ждрепка ги извлече паровите тимови кои ќе се натпреваруваат меѓу себе.
Кулминацијата на натпреварувачкиот дел на Петтата сезона на детскиот меѓународен општествен проект „Фудбал за пријателство“ на „Газпром“ беше уникатната церемонија за доделување награди на финалистите. Капетаните на тимовите беа наградувани со медали, дипломи и специјални награди. Дел од оваа свеченост претставуваше и гласањето за светски фудбалски тим кој ги поседува и промовира деветте клучни вредности на проектот. Симона ја имаше честа да го презентира трофејот – награда за избраниот тим на пред присутната публика на одржаната церемонија.
Младите учесници кои не учествуваа во финалето одржаа голем бројни пријателски средби за поддршка на вредностите на програмата на „Фудбал за пријателство“. Младите спортисти добија поддршка од главниот руски амбасадор на проектот – најдобриот стрелец во историјата на рускиот национален тим, Александар Кержаков, главниот тренер Станислав Черчесов и првите луѓе на руската фудбалска унија. Повеќе од 200 новинари од водечките спортски меѓународни медиуми и претставници од фудбалски асоцијации присуствуваа на игрите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.