Македонија
Владата со 16,5 милиони евра ќе го стимулира вработувањето на младите во 2018 година
Со нешто повеќе од една милијарда денари, односно со 16,5 милиони евра, Владата ќе ги стимулира програмите и мерките за вработување млади во 2018 година, изјави премиерот Зоран Заев по заедничката седница на Владата со младинските организации посветена на младинските политики. Со овие мерки, рече тој, ќе се овозможи вклучување млади лица во разни обуки за стекнување знаења за побарувани занимања на пазарот на трудот.
„За подобрување на образованието, предвидовме една милијарда и 270 милиони денари. Првпат се обезбедуваат 80 милиони денари за подобрување на условите во ученичките и студентските домови, од кои 30 милиони денари за реконструкција и 50 милиони за опремување. За зајакнување на студентскиот стандард планирани се 660 милиони денари, што претставува зголемување на минатогодишниот буџет повеќе од 50 милиони денари, а за капитални инвестиции во образованието предвидени се две милијарди и 140 милиони денари, од кои за изградба и реконструкција на основни и средни училишта издвоени се 282 милиона денари“, рече Заев.
Дополнително, додаде тој, Владата почна и процеси за финансиска поддршка за технолошки развој на компаниите и покривање до 30 отсто од трошоците со кои ќе се стимулираат обука и стручно усовршување на нововработените млади лица.
„Во таа насока, во процес на основање е и модерен научно-технолошки парк, иницијатива што има цел да ја зајакне конкурентноста на водечките индустрии во земјата и да го поттикне развојот на новите сектори со иновативен потенцијал во разни области“, рече Заев.
Премиерот исто така соопшти дека на седницата е донесена и одлука за формирање важни работни групи за младински политики.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.