Домашен
Раул Гонзалес: Рајн Некар е тим за респект
Дерби натпреварот од четвртото коло во ракометната Лига на шампиони ќе се одигра в сабота во Скопје, каде една наспроти друга ќе застанат двете водечки екипи во Б групата, Вардар и Рајн Некар Левен.
„Ние сме во добра позиција пред овој меч, играме добро и имаме шест бода, но сега ни доаѓа Рајн Некар, во моментов најдобрата германска екипа. Ќе биде тежок натпревар, сакам салата да биде полна, ќе ни биде потребна помошта од трибините. Рајн Некар е одличен тим со добри играчи кои знаат да одиграат добра одбрана“, рече на прес-конференцијата Раул Гонзалес тренерот на Вардар.
Гонзалес не сакаше премногу да ја коментира победата на Рајн Некар над Кил во средата во германското првенство, исто како што не сакаше да се враќа назад во минатото и да говори за двата минатосезонски дуели во кои Вардар двапати го совлада германскиот тим.
„Во сабота играме ние против Рајн Некар, не можеме да зборуваме за Кил или за натпревароите од лани кога овде победивме со три-четири голови разлика, а таму го одигравме најдобриот меч во сезоната. Ние мора да одиграме силно, мора да бидеме брзи, тие имаат опасен контранапад“, рече Гонзалес.
Шпанскиот стратег во пресрет на дуелот има проблеми со повредени играчи, особено на пивотменската позиција, бидејќи не е сигурен дали Стоилов и Марсениќ ќе бидат во можност да играат. Стоилов има повреда на рамото, а Марсениќ на скочниот зголб.
Кога станува збор за Карачиќ и Дибиров кои се повредија минатата недела против Кристијанштад и кои поради повредите го пропуштија гостувањето во СЕХА лигата кај Спартак во Суботица, Гонзалес е убеден дека тие ќе бидат во составот.
„Очекувам тежок меч за двата тима, важно е што ние имаме три три победи. Рајн Некар е тим кој во моментов игра атрактивен и брз ракомет, но сметам дека ние ќе биде подготвени да одговориме на нивната игра“, додаде екс играчот на германскиот тим Сергеј Горбок.
Дуелот во ЛШ, Вардар-Рајн Некар Левен в сабота во СЦ „Јане Сандански“ ќе започне во 17.30 часот./крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.