Домашен
Висла е сериозан предизвик за Вардар
Шеесет минути голема борба ги очекува ракометарите на Вардар во реваншот против Висла, борба во која ќе мора да бидат максимално концентрирани и трпеливи доколку сакаат да ја наполнат негативата од шест гола и да изборат пласман во четвртфиналето во Лигата на шампионите.
Вардар на првиот меч во Полска го одигра веројатно најлошиот меч во досегашниот дел од сезоната, многу работи во играта е функционираа и доколку тимот сака пласман меѓу октетот најдобри во Европа ќе мора грешките да ги сведе на минимум.
„Ќе играме можеби најважниот натпревар во текот на оваа сезона. Во Полска одигравме лошо и во нападот и во одбраната и доколку сакаме да продолжиме понатаму мора да го подобриме тоа. Оваа недела трениеравме добро немаме повредени играчи и се надевам дека така ќе остане до почетокот на мечот. Исто така се надевам дека атмосферата ќе ни помогне да одиграме уште подобро, Вардар има одлични навивачи. Не очекува тежок и интересен натпревар во текот на сите 60 минути бидејќи разликата од шест гола е голема, но се надевам дека ќе успееме да ја надополниме негативата“, рече на прес конференцијата во пресрет на натпреварот тренерот на Вардар, Раул Гонзалес.
Шпанецот и покрај неубедливата партија на неговите избраници во првиот меч, најави дека нема да прави некои посебни тактички промени во играта, а смета дека и неговиот сонародник од спортивната страна нема со што да го изненади.
Капитенот на тимот Филип Лазаров смета дека на Вардар му е местото во четвртфиналето, но дека тоа тој и неговите соиграчи ќе мора да го заслужат на теренот.
„Ситуацијата е максимално комплицирана, од Полска донесовме многу лош резултат, но сами сме виновни. Имавме лош ден, а за разлика од нас Висла се надмина себеси, одигра перфектно, а нашата игра не беше ниту на 50 отсто од она што можеме да го одиграме. се надевам дека работите ќе се сменат во реваншот, не верувам дека тие можат така добро да одиграат два натпревари по ред, ниту пак ние можеме да одиграме лошо два пати по ред. Нашат цел е пласман на завршниот турнир, а реално во моментов нашето место е меѓу најдобрите осум во Европа. Сепак оваа нокаут фаза не трпи лоши изданија и лоши денови, ние тоа го имаввме во Полска и на крајот добро поминавме со поразот од шест разлика.
Осминафиналниот реванш во Лигата на шампионите помеѓу Вардар и Висла ќе се одигра в сабота во СЦ „Јане Сандански“, а ќе започне во 20:15 часот. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.