Европа
ЕУ потврди дека не го признава присоединувањето на Крим
Високата претставничка на Европската унија за надворешна и безбедносан политика Федерија Могерини предупреди во понеделникот дека ЕУ не го признава нелегалното руско анектирање на црноморскиот полуостров Крим и на Севастопол по повод годишнината од рефереднумот со кој тамошното доминантно руско и рускојазично население изгласа враќање на автономијата укината со осамостојувањето на Украина во 1990-те и за присоединувањето кон Руската Федерација што два дена подоцна го прифати рускиот парламент.
Точно пред една година, откако во Киев прозападната опозиција по долгите протести и безредија со стотина мртви го отстрани од власта претседателот Виктор Јанукович кој важеше за проруски човек и ги смени челниците на југоисточните рускојазични региони, населението на Крим донесе одлука да спроведе референдум за приклучување кон Русија, што според организаторите е прифатено со над 96 отсто од излезените избирачи чиј одѕив беше над 83 проценти од двомилионското население на полуостровот.
Освен Русија, каде Крим отсекогаш се доживувал како неделив дел од руската историја и култура, којашто два дена подоцна формално прогласи приклучување, Западот овој чин го смета за прекршување на меѓународното право. Севастопол, пак е пристанишен град кој го основала руската царица Катарина Велика беше седиште на руската Црноморска флота изминатите 230 години каде што проруското расположени секогаш беше силно изразено.
„Една година по нелегалниот и нелегитимен референдум и нелегалната анексија на Крим и Севастопол од страна на Руската Федерација, Европската унија останува цврсто приврзана на суверенитетот и територијалниот интегритет на Украина“, се истакнува во писмената изјава на шефицата на европската дипломатија Федерика Могерини. Се додава дека ЕУ ќе биде истрајна на својот став за непризнавање на „овој нелегален чин, вклучително и преку санкциите“. Во изјавата се изразува и „длабока загриженост“ од јакнењето на воените сили и наводното „влошување на човековите права на Крим, вклучително и негирањето на слободата на говорот и прогонот на припадниците на националните малцинства“.
Минатата година ЕУ поради присоединувањето на Крим, ЕУ и САД, како и некои нивни сојузници, воведоа санкции против руски функционери и локалните власти на Крим, како и против руски компании, кои откако избувна бунтот на рускојазичното население на истокот од Украина по укинувањето на законот со кој рускиот јазик го загуби статусот на службен, западните санкции беа проширени и на руската економија и врз рускиот увоз на технологии. Москва возврати со ембарго на увозот на западни прехранбени продукти, и се закани дека ќе го прошири и на други области, како што е на пример забраната за прелети над нејзината територија.
Во понеделникот и германската канцеларка Ангела Меркел во друштво на украинскиот претседател Петро Прошенко кој од неделата престојува во посета на Берлин, во врска со годишнината од референдумот на Крим изјави дека „Западот не го заборава однесувањето на Русија во однос на Крим“, но и порача дека „ситуацијата е таква што неопходно е да се оди натаму“ кон мирното решение на украинскиот конфликт.
„Ние нема да го заборавиме тоа, вклучително и фактот што на овој начин европскиот мировен поредок беше доведен во прашање. Но, сеедно, токму поради тоа, важно е ние да работиме за достигнување на мирното решение и да не дозволиме територијалната севкупност на Украина да биде доведена во прашање“, изјави Меркел по разговорите со Порошено.
Се очекува дека челниците на ЕУ ќе разговараат за украинскиот конфликт на самитот оваа седмица, а следните месеци мора да ја донесат одлуката што натаму со санкциите наметнати против Русија поради нејзината наводна вмешаност во конфликтот во соседната земја. Иднината на овие санкции воведени во јули и септември минатата година со рок од една година, веројатно ќе зависат од оцените за спроведувањето на договорот за прекинот на огнот во источна Украина потпишани првично ланскиот 5-ти септември а потоа на 12-ти февруари годинава потврдени во белоруската престолнина Минск, со потписите на челниците на Украина, Русија, Франција и Германија.
Британскиот министер за надворешни работи, Филип Хамонд, изјави во понеделникот во Брисел дека санкциите треба да бидат продолжени „сé додека Минск не биде спроведен во целост“, што оцени дека е сигнал за Москва дела „мора да ги исполни своите обврски пред да бидат укинати санкциите“.
Литванскиот шеф на дипломатијата Линас Линкевичиус, чија земја претседава со ЕУ, во понеделникот пред состанокот на министрите за надворешни работи на ЕУ изјави дека „санкциите се единствениот начин на кој можеме да го одржуваме притисокот, а притисокот мора да се одржува“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.