Европа
Оружјето користено во нападите во Париз е купено во Белгија
Оружјето што го користеле исламистичките терористи браќата Саид и Шариф Каши и Амеди (Ахмед) Кулибали, во минатонеделните напади во француската престолнина Париз во редакцијата на сатиричниот неделник Charlie Hebdo и при земањето заложници во еврејскиот супермаркет, било набавено во Белгија, пишуваат во средата тамошните медиуми.
Според белгискиот дневен весник La Derniere Heure, автоматите „калашников“ со коишто биле вооружени браќата Каши, Кулибали го купил во близина на јужната железничка станица во белгиската престолнина Брисел за помалку од 5.000 евра. Оружјето на Кулибали, кое го користел при земањето заложници во супермаркетот за еврејска кошер храна во 20-от париски арондисман минатиот петок, исто така, било купени Белгија.
Истовремено, друг белгиски дневен весник De Standaard, објави дека купувањето на оружјето за терористите во Белгија, засега сепак е само хипотеза.
Претходно во вторникот беше објавено дека една чаура пронајдена по нападот во Париз има потекло од Босна и Херцеговина, односно била прозиведена во 1986 година во фабриката „Игман“ од Коњиц, според заменик министерот за одбрана на БиХ, Живко Марјанац. Минатогодишната кражба на 600 полнења за гранати од воената база „Крчмарица“ близу Бања Лука, официјално не доби епилог, но првично беа суспендирани двајца припадници на Вооружените сили на БиХ.
Во вторник, исто така, беше уапсено осомничено лице во Бугарија, за коeшто постојат сознанија дека во неколку наврати контактиралo со еден од браќата Каши.
Нападот врз редакцијата на сатиричниот неделник Charlie Hebdo поради објавувањето карикатури на пророкот Мухамед беше извршен минатата среда, 7-ми јануари. Двајцата терористи влегоа во редакцијата и отворија оган од кој загинаа вкупно 12 лица од кои четворица карикатуристи и двајца полицајци. Осомничените за масакрот, француските државјани со алжирско потекло 32-годишниот Саид и 34-годишниот Шариф Каши успеаја да побегнат од местото на злосторството и да се сокријат во печатница во местото Демартен-ан-Гоел каде беа ликвидирани во петокот, 9-ти јануари во акцијата на специјалците на француската полиција.
Речиси истовремено во петокот беше ликвидиран и 32-годишниот Амади Кулибали, кој претходно во кошер продавницата во областа на париската Венсанска капија уби четворица заложници, откако 15 луѓе претходно успеале да побегнат. Кулибали е осомничен и дека е убиецот на полицајката од четвртокот во парискиот кварт Монруж.
Вкупно во тридневниот париски терористички кошмар животите ги загубија 17 луѓе од кои тројца полицајци, а беа ликвидирани и тројцата напаѓачи./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.