Европа
Протести на крајната десница против Меркел и контрапротести во Берлин
Под мотото „Меркел мора да замине“ во германската престолнина Берлин во саботата протестираше крајната десница против владата на канцеларката Ангела Меркел, а истовремено се одржаа и контрапротести на левичарските движења под геслото „Берлин без нацисти“.
Како што пренесува агенцијата DPA, десничарскиот собир бил далеку помалку броен од двата контрасобира против ксенофобијата и расизмот. Берлинската полиција проценува дека на контрапротестите излегле околу 7.000 луѓе, а на десничарскиот протест имало околу 1.800 демонстранти, додека организаторите соопштија за присуство на 5.000 луѓе кои се одѕвале на нивниот повик да протестираат против политиката на канцеларката Ангела Меркел.
Околу 1.700 полицајци биле распореден на улиците на Берлин за да спречат контакт меѓу двете групи. Портпаролот на полицијата Вилфред Венцел изјавил дека до доцна попладнето не се пријавени приведувања, но дека сепак имало неколку помали судири меѓу различните групи демонстранти.
Во поворката „За отвореност и толеранција“ која ја организирала Протестантската црква на Германија учествувале 2.400 луѓе. Уште 4.500 луѓе учествувале на собирот „За солидарност во Берлин“ носејќи плакати со кои се изразува „добредојде за бегалците“ и „против расизмот и десничарското насилство“.
„Ни појде од рака да испратиме јасен сигнал против нетолеранцијата и обидот за изолацијата кој е примен и надвор од нашиот град. Учесниците на овие протести порачаа каков е нивниот град: отворен, толерантен, шарен и демократски“, порачал градоначалникот на Берлин, Михаел Милер, од Социјалдемократската партија на Германија (SPD).
Тој им се заблагодарил на учесниците на собирот „Берлин без нацисти“ кој заеднички ги организираа партиите од левиот спектар, синдикатите и Протестантската црква.
Разните десно-популистички групации го организираа протестот под слоганот „Меркел мора да замине“ кој во прв ред беше насочен против политиката на владата и канцеларката во однос на бегалската криза и доселениците.
Покрај многуте германски знамиња во оваа поворка, имало и учесници кои носеле знамиња на Русија, Норвешка и Чешка, и носеле транспарентни со пароли против политичарите и медиумите./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.