Европа
Путин: Русија не е изолирана поради украинската криза
Претседателот Владимир Путин негира дека Русија поради украинската криза ќе биде изолирана на меѓународната политичка сцена и изрази убедување дека руската економија нема да биде единствената којашто ќе претрпи штети од санкциите и падот на цената на нафтата и рубљата, како и дека силата на неговата земја е во тоа што е во право.
Претседателот Владимир Путин негира дека Русија поради украинската криза ќе биде изолирана на меѓународната политичка сцена и изрази убедување дека руската економија нема да биде единствената којашто ќе претрпи штети од санкциите и падот на цената на нафтата и рубљата, како и дека силата на неговата земја е во тоа што е во право.
Европската унија следејќи ги САД воведе неколку сета санкции против Русија, откако руското мнозинство на црноморскиот полуостров Крим во март годинава, откако по безредијата во Киев на власт дојдоа прозападните и националистички политички сили, прогласи враќање на автономија и преку референдум се присоедини на Руската Федерација, што западот го смета за руска анексија на украинска територија, и ја обвинува дека им дава поддршка на бунтовниците во рускојзачните југоисточни региони на Украина, што Москва решително го отфрла.
„Ние ја разбираме фаталноста на ткн ‘Железна завеса’ за нас. Во ниеден случај нема да одиме по тој пат и никој нема да подигне ѕид околу нас. Тоа е невозможно“, изјави рускиот претседател Владимир Путин во интервју за агенцијата ТАСС.
Санкциите се одразија врз руската економија и предизвикаа пад на рубљата, што е притисок засилен со остриот пад на глобалната цена на нафатат, што аналитичарите го сметаат за намерно предизвикан за да се одрази врз буџетот на Русија, имајќи предвид дека нафтата е еден главниот руски извозни производи.
„Доколку цената на енергенсите е намерно намалена, тоа ќе ги погоди и оние коишто ги воведуваат тие ограничувања. Далеку од тоа дека санкциите, наглиот пад на цената на нафтата и падот на вредноста на националната валута ќе предизвикаат негативни ефекти или катастрофални последици само кај нас. Таквото нешто ќе ги погоди сите“, убеден е Путин,
Рускиот претседател го поврзува падот на цената на нафтата со зголеменото американско производство на нафта и гас од шкрилци, зголемувањето на продажбата од Либија, Саудиска Арабија и Ирак, вклучително и продажбата на црниот пазар којашто на џихадистичката Исламска држава ѝ овозможува големи заработки.
Путин во разговорот за ТАСС, исто така, навестува можност да се кандидира за четвртиот претседателски мандат на изборите во 2018 година, што доколку го освои би го задржало на власт до 2024 година.
„Да, можно е да се кандидирам. Се’ уште не знам дали ќе се случи тоа или не“, додава Путин.
Во врска со новинарското прашање за неговиот рејтинг кој и по 15 години на власт надминува 80 отсто, Путин вели дека тоа произлегува од неговото чувство дека е дел од Русија и народот, и дека постојано се труди да ја оправда високата доверба на избирачите во него./крај/мф/сн
Извор: TAСС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.