Наука
Во Сибир се појавија нови мистериозни кратери
Два нови кратера од непознато потекло се забележани во Сибир, само неколку седмици откако беше откриена првата таква голема дупка на крајниот север од Русија, пишуваат локалните медиуми.
Весникот кој излегува на англиски јазик The Siberian Times објави фотографии на две нови големи дупки кои ги откриле ловци на собови, едната на полуостровот Јамал, а другата на Тајмир, а двете се над арктичкиот круг. Во написот се наведува дека повторно теориите за нивното настанување се бројни, од удари на метеорити и заталкани ракети на вонземјани до подземни експлозии на гас.
На почетокот јули беше објавено дека голема дупка се појавила на полуостровот Јамал, каде што во зима температурите паѓаат и до минус 50 Целзиусови степени. Руската научна експедиција пристигна до првиот кратер со дијаметар од стотина метри, кој веќе го нарекоа „Јамалска црна дупка“ и по собирањето на податоците, открија дека кратерот го предизвикал растот на температурата, а не метеор, како што првично се претпоставуваше.
Една од членовите на експедицијата, Ана Курчатова, смета дека кратерот го предизвикала мешавина од вода, сол и гас што предизвикала подземна експлозија, а додава и дека станува збор за последица од глобалното затоплување што предизвика алармантно топење на мразот што се наоѓа под површината,
Големите дупки во земјата што ненадејно се отворија во еден од најизолираните делови на северот на Русија, Јамал што на јазикот на локалното автохтоно население значи „крајот на светот“, се наоѓаат на едни од најголемите руски и светски наоѓалишта на природен гас. Првиот кратер беше откриен во близина на гасното поле Бованентски
Според многу руски научници, очигледно е дека се случил некој екстремен термален настан кој придонел за формирање на кратерот, а некои научници сметаат дека станува збор за можно ново геодетско потекло. Се верува дека кратерот почнал да се формира пред две годни, но никој не знае како.
„Ваквите настани за Јамал не се ништо ново. Такво нешто се случи и лани, како и пред две години… земјата и мразот се однесуваат непредвидливо. Подводна река можела да ја исфрли почвата“, изјави веднаш по откривањето на гигантскиот кратер портпаролот на гувернерот на областа објаснувајќи дека овие процеси се повторуваат со тек на времето како што површината се топи и одново замрзува. „Затоа, не би требало да зборуваме за ништо итно во овој случај“, заклучил и целосно ја отфрлил теоријата за удар на метеор очекувајќи дека прецизен одговор ќе даде истражувањето на експедицијата./крај/мф/сн
Извор: The Siberian Times
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.
Наука
Балканот ќе биде еден од најтешко погодените региони во Европа, ниту на Mакедонија не ѝ се пишува добро
Иако научниците имаат алатки и методи за мерење на влијанието на климатските промени – како може тоа да се направи така што поединецот, во својот живот, има одредена вредност со која може да измери како, под влијание на климатските промени, неговиот живот е исто така се менува?
Не е лесно да се замисли што точно е „просечно глобално затоплување од 1,5 °C или 2 °C“ и како тоа ќе го промени нашето секојдневие, пишува Слободна Далмација.
На ова се обратија истражувачите од Технолошкиот институт во Масачусетс (МИТ)”; тие развија нов начин за мерење на влијанието на глобалното затоплување во реалниот живот и предвидување на долгорочните ефекти. Излегува дека и луѓето на Балканот ќе ја чувствуваат значајната промена.
Мерката на научниците од МИТ, создадена со помош на податоци од 50 различни климатски модели, е одредена од тоа колку ќе се зголеми или опадне бројот на „надворешни денови“ на различни дестинации низ светот до 2100 година, односно 24-часовни периоди кога температурите се доволно удобни за повеќето луѓе да се вклучат во активности на отворено, без разлика дали се за работа или за одмор. Ова се денови кога не е ниту премногу топло, ниту премногу студено, што научниците го сместуваат во температурен опсег од приближно помеѓу 10 °C и 25 °C, без екстремни временски појави.
Студијата на МИТ покажа дека тропските дестинации ќе доживеат најголеми промени во деновите на отворено. Најголемиот удар ќе го претрпи Доминиканската Република која до крајот на векот ќе губи дури 124 дена пријатно време годишно. Мексико, Индија, Тајланд и Египет ќе изгубат половина од тие денови.
Во Европа, на север ќе има повеќе денови со пријатно време бидејќи зимите ќе станат потопли, но на југ екстремните горештини во летните месеци ќе предизвикаат намалување на деновите на отворено.
Според податоците на МИТ, Балканот најверојатно ќе биде еден од најтешко погодените региони во Европа. Така Албанија ќе загуби 30 дена, Србија 26, Македонија 21, Бугарија 17, а Романија 12 дена. На југ, Грција би можела да изгуби 37 денови на отворено до 2100 година поради екстремните горештини помеѓу мај и јуни, според студијата на МИТ.
Промени ќе доживее и Пиринејскиот Полуостров: Португалија ќе има 33, а Шпанија 13 помалку денови на отворено.
Истражувачите велат дека разликата веќе се чувствува во Европа, при што луѓето избираат каде да патуваат врз основа на сè поекстремните жештини на претходно популарните дестинации.
Северна Европа ќе доживее попријатни денови, но причините за тоа не се добри вести. Франција, Германија и Австрија ќе добијат меѓу 18 и 52 дена пријатно време до 2100 година, главно поради потоплите зими, но ова би можело да биде фатален удар за и онака борбената скијачка индустрија во Европа. Поради недостигот на снег, се размислува за замена со вештачки снег, но многумина мислат дека тоа ни оддалеку не би помогнало да се одржи скијачката индустрија, за која „пријатни“ и целосно профитабилни „денови на отворено“ се само оние со многу реални снег.
Наука
Еден Американец и двајца Руси со руско летало заминаа на МВС во вселената
Еден Американец и двајца Руси полетаа со руско летало од космодромот Бајконур во Казахстан до Меѓународната вселенска станица. Станува збор за астронаутот на НАСА Лорал О’Хара и космонаутите на Рокосмос Олег Кононенко и Николај Чуб.
О’Хара ќе помине шест месеци на станицата, а Кононенко и Чуб ќе останат таму една година.
Тројцата космонаути требаше да заминат во вселенската станица минатата пролет, но нивната првична капсула послужи како придружба за друг екипаж. Вториот екипаж – исто така двајца Руси и еден Американец – се враќа дома на Земјата кон крајот на овој месец.
Нивниот престој беше продолжен од шест месеци на една година бидејќи нивната капсула Сојуз испушти течност за ладење додека беа на станицата.
Според НАСА, кога командантот на мисијата Кононенко ќе го заврши својот престој во вселената, тој ќе постави рекорд како човек кој поминал најмногу време – повеќе од илјада дена – во вселената.