Uncategorized
Тотенхем победи на „Сент Мерис“
Фудбалерите на Тотенхем со пресврт славеа во Саутемптон 4:1, во последниот натпревар од 18.коло во англиската Премиерлига.
На „Сент Мерис“, домаќинот поведе по 120 секунди игра, кога Ван Дајк со глава го совлада Љорис.
По примениот гол Тотенхем ја презеде контролата врз играта и успа да израмни во 19.минута со голот на Деле Али.
Целосен пресврт Тотенхем направи во вториот дел, Кејн погоди за 1:2 во 52.минута, а 15-тина минути подцна истиот играч не успеа да реализира удар од белата точка. На пеналот му претходеше прекршокот на Радмот поради кој дефанзивецот на Саутемптон доби црвен картон.
Победата на лондончани ја потврдија Сон во 85-та и Деле Али во 87.минута.
Тотенхем со оваа победа се врати на петтото место на табелата со 36 бодови, еден помалку од четвртопласираниот Арсенал. крај/мф/нц
https://www.youtube.com/watch?v=G99UkWYS0aY
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.