Европа
Јункер претстави пет сценарија за иднината на ЕУ27
Претседателот на Европската комисија, Жан-Клод Јункер, понуди во средата пет можни сценарија за иднината на Европската унија до 2025 година, кои се замислени како подлога за расправа во текот на оваа година, а не како готови решенија.
Јункер во Европскиот парламент ја претстави „Белата книга за иднината на Европа: размислувања и сценарија за ЕУ27 до 2025-та“.
Јункер во својот говор рече дека досега расправата за иднината на ЕУ пречесто водеше во смисла на дилемите „помалку или повеќе Европа“, односно поцврста или полабава унија, но дека таквиот пристап е погрешен.
Петте можни сценарија претставени во Белата куќа се следни: да се задржи статус-квото, ЕУ само како единствен пазар, Европа со повеќе брзина, ЕУ со помалку овластувања но поефикасна, ЕУ која во повеќе подрачја ќе работи заедно.
За предложените сценарија треба да се изјаснат земјите членки, што не треба да се очекува пред да завршат многу важните избори во Холандија, на 15-ти март, потоа на маските претседателски избори во Франција, како и септемвриските парламентарни избори во Германија.
Јункер во својот говор за состојбата во ЕУ во 2017 година во септември пред Европскиот парламент би требал да ја резимира расправата и размислувањата на државите членки, а на самитот во декември годинава би требало да бидат првите заклучоци.
Белата куќа е придонес на Европската комисија за самитот кој се одржува на 25-ти март во Рим по повод прославата на 60-годишнината од Римските договори. На тој самит би требало да го започне процесот во кој 27-те преостанати, би требало да ја донесат одлуката за идната Европска унија.
Јункер најави дека ЕК следните месеци ќе ги објави низа документи кои треба да послужат како подлога за расправата. Станува збор документите коишто ќе се однесуваат на развојот социјалните димензии во Европа, продлабочените интеграции во Економската и монетарните унии, документ за штетните последици од глобализацијата, за иднината на европската одбрана, како и за иднината на европските финансии./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците објавија снимка: Го уништивме рускиот систем Бук, не можеа да го изгаснат пожарот
Украинските сили за специјални операции тврдат дека го уништиле лансерот на рускиот противвоздушен ракетен систем Бук на линијата на фронтот во регионот Суми.
Според извештаите, операторите во украинската единица забележале руски противвоздушен ракетен систем Бук-М1 додека изведувале борбени операции на фронтот.
Операторите потоа користеле нападни беспилотни летала за да ја нападнат целта. Русите неуспешно се обиделе да го изгаснат пожарот и да ја спасат својата опрема, тврдат Украинците. Тие споделија и видео на кое се гледа експлозијата и последователниот пожар.
Украинците наведуваат дека лансерот со шест проектили бил уништен со прецизен удар. Инаку, Украинците во вторникот пријавија и уништување на два Бука на истиот дел од бојното поле.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.