Daily news
Најлошите машки хороскопски знаци
Скорпија
Скорпијата е убедливо еден од најтешките карактери. Овој знак зема сè што сака и кога сака, без да се усогласи со останатите. Има жесток јазик, големо его и воопшто нема намера и желба да отстапува од своите намери. Знаат да бидат многу лоши кон партнерот, дури и злобно љубоморни, опседнати и безмилосни. Кога го казнуваат партнерот, тоа го прават со огромно задоволство. Често се однесуваат кон луѓето како кон свои предмети.
Овен
Мажот роден во знакот на Овен е конфликтна, импулсивна и бескрупулозна личност. Тој не мисли за последиците и може да каже многу погрдни зборови во секунда и да те сруши психички за само за ден. Воопшто не му е гајле за мислењето на луѓето, бидејќи тој е секогаш во право, а според него другите се тие кои не го разбрале, или едноставно грешат. Има огромни барања за сè и кон секого. Тој нема да пројави желба да разговарате со него за било каков проблем. Да се разбереш со Овен е многу тешко, а дури и да успееш, мирот ќе продолжи најмногу 2-3 дена. Потоа повторно тргнува со „роговите“ напред во потрага по нова жртва која начесто е неговата животна сопатничка.
Јарец
Мажите Јарци се исклучително независни, храбри и ги бранат своите ставови до крај. Воопшто не се загрижени дека може да тргнат против нив сите останати. Тврдоглави се и навистина е тешко да ги натерате да направат нешто што не го сакаат.
Риби
Претставниците на хороскопскиот знак Риби се посебни мажи. Тие имаат силно развиена интуиција, но понекогаш паѓаат во таква кома што не слушаат во неа никого и ништо. Водени се од една претерана сомнежливост. По карактер се бунтовници, имаат свое мислење за сè и ако една жена се обиде да ги побие, може и да ја загуби нивната љубов. Мажите Риби или прифаќаат безрезервно една жена, или ја отфрлат категорично. Со нив е тешко да се создаде само пријателство.
Стрелец
Мажот роден во овој знак е романтичен идеалист, кој обожава да го владее светот. Овој маж е одличен, само што не сака да си седи дома и од 12 месеци во годината може да ја топли брачната соба најмногу два, три месеци. Слободољуб и авантуристички настроен, вечен патник, овој маж сака жена која ќе го разбира и прифаќа. Ако сакате маж за сериозна врска, Стрелецот дефинитвно не е за вас. Тој ја цени својата слобода и ќе ја почитува само партнерката која со сигурност нема да му ја одземе. Не смеете да заборавате дека мажот Стрелец сака да љуби, но може да се премисли буквално за една минута, ако му дојде „подобра идеја”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Измамници се претставувале како Бред Пит и навеле обожавателки да веруваат дека почнале романтична врска со него
Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото
Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.