Црна хроника
Македонија треба да му плати 60.000 евра отштета на Ел Масри
Европскиот суд за човекови права во Стразбур заклучи дека во случајот Ел Масри – Македонија, нашата држава ја прекршила европската конвенција за човекови права.
Европскиот Суд за човекови права во четвртокот едногласно одлучи дека бил прекршен членот 3 од Европската конвенција за човекови права, со кој се забранува нечовечко и понижувачко однесување, членот 5 правото на слобода и сигурност, членот 8 право на приватен и семеен живот, како и членот 13 право на правично судење.
Македонија според одлуката на Судот ќе мора да му плати на Калед Ел Масри 60 илјади евра оштета.
Ел Масри ја смета Македонија како директна одговорна за времето кое тој го помина затворен меѓу 31 декември 2003 и 28 мај 2004 година, по неговото апсење при влезот во Македонија и трансферот во Авганистан, случајот Ел Масри, беше разгледуван и суден од страна на Големиот Судски Совет на Европскиот суд за човекови права во Стразбур, на 16 мај годинава.
Калед ел Масри поднесе тужба против Македонија на 20 јули 2009 година. За случајот Ел Масри, Македонија беше критикувана во Парламентарното Собрание на Советот на Европа и Европскиот парламент./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.