Црна хроника
Двајца полицајци соочуесници во измама
Кривична пријава против четири од Скопје, меѓу кои и двајца вработени во МВР, поднесена е денеска поради постоење на основано сомнение дека сториле кривично дело „измама“
Полицајците со лажно претставување и лажно сведочење пред нотар и помогнале на една скопјанка на свое има да го препише станот, којшто и припаѓал на нејзиниот сопруг. Како што соопшти МВР, кривична пријава заработиле Ј.М.(41), К.П.(44) – вработен во МВР, М.З.(33) и Ј.М.(50) исто така вработен во Минситерствто за внатрешни работи. Измамата ја извршиле на тој начин што првоосомничената Ј.М., со намера да се стекне со противправна имотна корист (куќа којашто била во сопственост на нејзиниот сопруг Ј.Б., лоцирана на ул.„Софиска“) заедно со останатите тројца осомничени, со лажно прикажување на факти и со лажно претставување на пријавениот П.К. како да е нејзиниот сопруг, ја довеле во заблуда нотарката С.В. од Скопје која извршила заверка – Солемнизиација на договор за дар на недвижен имот. По ова, првоосомничената заминала во катастарот, каде што успеала да изврши запишување на промената на сопственоста на наведениот недвижен со приложување на солемнизираниот договор за дар на недвижен имот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.