Свет
Три места во Њу Хемпшир први ќе гласаат на изборите во САД
Жителите на Милфилд, гратче во шумскиот дел од Њу Хемпшир пред некој ден гласаа за претседател на САД, и притоа осум гласови доби Џорџ В. Буш а четири Ал Гор.
Во вторникот на 8-ми ноември жителите Милсфилд и уште две населби во Њу Хемпишр во еден кус момент ќе бидат центар на политичките збиднувања на планетава, и затоа сакаат тоа добро да изгледа.
Новинарите од САД и од светот ќе се упатат во овие оддалечени места за да забележат како првите избирачи на американските претседателски избор, точно во полноќ, ги ставаат ливчињата во гласачките кутии.
Милсфилд дури од оваа година ѝ се приклучува на оваа практика и затоа пред неколку дена организираа генерална проба на гласањето. Само што на гласачките ливчиња не беа републиканскиот кандидат Доналд Трамп и неговата демократска противкандидатка Хилари Клинтон, туку нивните претходници кандидати од 2000 година, Џорџ В. Буш и Ал Гор.
Во долгиот изборен ден брзината многу се цени, па така на локалната изборна комисија ѝ биле потребни девет минути и 40 секунди од отворањето на избирачките места до пребројувањето на гласовите. Гласови, инаку, во ова место нема многу, право на глас има 21 жител, но некои од нив сепак решиле да остана во креветите.
Законот на сојузната држава Њу Хемпшир им дозволува на населбите со помалку од 100 жители да отворат гласачки места точно во полноќ. Кога сите со право на глас ќе ги турнат ливчињата или ќе потврдат дека ја искористиле можноста за предвремено гласање или, пак, ќе пријават дека ќе апстинираат, избирачките места може веднаш да се затворат.
Милсфилд во вторникот ќе им се придружи на двете населби кои веќе со децении наназад гласат во полноќ.
Попознато од нив е Диксвил Нотч, кој ова го практикува во континуитет од 1960 година. Таа година девет избирачи гласале за Ричард Никсон. Подоцнежниот победник на тие избори Џон Кенеди не добил ниеден глас. Годинава во Диквил право на глас имаат седум луѓе.
Хартс Локејшн, исто така, е населба на крајниот североисток од Њу Хемпшир, а неговите жители првпат гласале на полноќ уште во далечната 1952 година,но поради тоа што оваа практика е прекината од 1964 до 1996 година, светската слава главно му припадна на помалата населба Дисквил Нотч./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас тврди дека негова делегацијата оди во Каиро за да разговара за примирје во Газа
Делегација на исламската милитантна група Хамас денеска ќе замине за Каиро за да ги продолжи разговорите за можен договор за прекин на борбите во Газа, соопшти групата доцна синоќа, пренесе ДПА.
– Додека го нагласуваме позитивниот дух со кој раководството на движењето одговори кога го проучуваше предлогот за прекин на огнот што го доби неодамна, одиме во Каиро во истиот дух за да постигнеме договор, се вели во соопштението на Хамас.
Се додава дека Хамас и „палестинските сили на отпорот се решени да го созреат договорот, на начин што ќе ги исполни барањата на нашиот народ за целосен прекин на агресијата, повлекување на окупациските сили, враќање на раселените, олеснување за нашите луѓе, почеток на реконструкција и комплетирање на сериозен договор за размена“.
Според извор од Хамас, има уште некои точки кои треба да се разговараат и имало потреба од повеќе појаснувања. Откако тие ќе се разјаснат, движењето ќе го објави својот конечен став.
– Но, можам да ви кажам и според изјавата што штотуку ја испрати движењето, одговорот ќе биде позитивен, изјавил изворот од Хамас за ДПА.
Месечното посредување на Египет, Катар и САД меѓу Израел и Хамас допрва треба да резултира со пробив. Во последните денови се интензивира и дипломатскиот притисок за постигнување договор.
Свет
Американски разузнавачи со предупредување: Русија и Кина подготвуваат заедничка инвазија
Американското разузнавање има информации кои укажуваат дека Русија и Кина тесно соработуваат за голем број воени прашања, вклучително и потенцијална инвазија на Тајван.
Такво нешто ја поттикна американската администрација да планира како да спречи такво сценарио, пренесува „Блумберг“.
„Ова е првпат Кина и Русија да соработуваат за прашањето на Тајван. Кина дефинитивно сака да соработува со Русија во оваа насока“, рече шефицата на Националната разузнавачка служба Аврил Хејнс за време на нејзиното сведочење пред Конгресот.
Републиканскиот сенатор Мајк Раунд од Јужна Дакота ја праша Хејнс за такво сценарио за време на сослушувањето на Комитетот за вооружени служби во Сенатот. Тој праша и дали Пентагон планира одговор на таквата можност, бидејќи големи се шансите во случај на конфликт со една земја да биде отворен потенцијален конфликт со една или повеќе од нив. Тоа би влијаело на многу работи.
„Секако дека постои можност да се случи такво нешто. Одговорот на тоа прашање зависи од сценариото што би се развило“, рече Хејнс, додавајќи дека разузнавачките проценки укажуваат дека постои зголемена соработка во партнерството „без забрани“ меѓу Русија и Кина во секој општествен сектор – политички, економски, воени, технолошки“, пренесува медиумот.
Нејзините изјави, според написите ги потврдил и генерал-полковник Џефри Круз и нагласил дека ситуацијата внимателно се следи и дека „тие се подготвени доколку се случи несакано сценарио“.
Медиумот анализира дека треба да се знае дека Русија, Кина и Иран во средината на март одржаа заеднички воени вежби наречени „Поморски безбедносен појас – 2024“ во Оманскиот Залив и Арапското Море.
Свет
Медведев до Швајцарија: Ти благодарам, земјо на сирењето и часовниците
Дмитриј Медведев, поранешен руски претседател и актуелен заменик на Советот за безбедност, рече дека конференцијата за прекин на огнот во Украина ќе биде уште еден доказ за пропаѓањето на „мировниот план“ на украинскиот претседател Володимир Зеленски.
Швајцарската влада претходно објави дека Русија во моментов не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Медведев објави денеска на Телеграм. „Која е користа за Русија од швајцарската „мировна конференција“? Придобивката е трикратна. Прво, тоа ќе биде уште еден доказ за пропаѓањето на таканаречениот мировен план на идиотот Зеленски.
Второ, тоа ќе стане видлив доказ за целосната немоќ на сегашните западни елити, кои извршија болна самокастрација на нивната способност да го прекинат воениот конфликт. Згора на тоа, по директна наредба на група сенилни лекари од Вашингтон.
Трето, тоа ќе им овозможи на нашите вооружени сили да продолжат да ја чистат територијата на Мала Русија од неонацистите без мешање или сметка за нечии глупави „мировни иницијативи“ и сите ние да извршиме скрупулозна работа во насока на конечниот колапс на политичкиот режим на Украина и брзото враќање на нашите оригинални територии во Руската Федерација. Ти благодарам, земјо на сирењето и часовниците“, напиша Медведев.