Uncategorized
„88 ружи за другарот Тито“ – изложба во ЦК
Во понеделник, 25 мај, со почеток во 20:30 часот, во културниот центар ЦК ќе биде отворена изложбата „88 ружи за другарот Тито“ на босанскиот уметник Андреј Џерковиќ
Концептот на уметничката интервенција е спој на два различни периоди од животот на уметникот, а следствено на тоа доаѓа до судир на значењето на зборот ружа од тие два периоди. Првиот е дел од неговото растење напоредно со иконографијата на Титовото раѓање, а другиот е воениот период во кој зборот ружа во сараевскиот жаргон добила свое место симболизирајќи отпечаток на граната во асфалт. Изборот на денот – 25 мај, Денот на младоста повторно има своја симболика.Инсталацијата за прв пат била поставена во Царските одаи на Диоклецијановата палата во Сплит, Хрватска, 1999 година, во склоп на мултимедијалниот проект “21 пролет” на сплитскиот уметник Петар Гриманиј. Потоа е поставена во галеријата „Кнап“ во Сараево, БиХ, 2002, па во галеријата „Минимал“ во Љубљана, Словенија и 2007 година во Подгорица, Црна Гора. Идејата е оваа инсталација да се постави во одреден галериски простор во секоја од поранешните републики на СФРЈ, и да заврши во Куќата на цвеќето, во Белград, со што кругот ќе се затвори.Андреј Џерковиќ е роден 1971 година во Сараево. Завршил школа за применета уметност во Сараево. Самостојно изложувал во Палестина, Северна Ирска, Црна Гора, Канада, Швајцарија, Италија, Шпанија, Холандија, Србија, Франција, Хрватска, Англија, Турција, Словенија, Белгија и Босна и Херцеговина. Еден е од оснивачите на колекцијата АРС АЕВИ на Музејот на современата уметност во Сараево.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.