Uncategorized
Друштвото на ликовни уметници од Кавадарци на „Скопско лето 2009“
Вечерва во Чифте амамот во Старата скопска чаршија, со почеток во 20:30 часот, ќе биде отворена изложбата на Друштвото на ликовните уметници од Кавадарци, насловена „Ластари“
На изложбата ќе бидат претставени дела од 26 уметници – Глигор Стефанов, Киро Јосифов, Ристо Соколов – Сокол, Владимир Темков, Гоце Јосифов – Ромбо, Ванчо Кеков, Димитар Самарџиев, Кирил Мукаетов, Ружица Јосифова, Петар Наневски, Ордан Попов – Данчо, Горан Боев, Билјана Соколова, Цветанка Темкова – Илова, Ива Јосифова, Раде Темков, Гоце Давидов, Љубица Мешкова – Солак, Цветанка Јованова, Стефанија Петровска, Глигор Чемерски, Симон Шемов, Елпида Хаџи Василева, Петар Петков, Маја Ралева и Васка Дудин.„Најголемиот и најважен придонес во ликовниот живот во градот и во државата ДМЛУК го даде со своите интервенции со боја и обоени форми 1974 – 1976. Меѓу нив да спомнеме само неколку: обоени пластични форми и пењушки на градскиот плоштад, интервенциите со боја на влезот од пазарот кај библиотеката, на триаголникот и оградата на тогашната изгорена Стоковна куќа, на оградата од училиштето „Гоце делчев” и во одморалиштето „Михајлово”. Овие интервенции, инсталации и акции, покрај нивната естетска вредност, придонесуваа за разубавување на градот и имаат значајна историска и уметничка вредност, вклучувајќи го градот во тогашните современи ликовни тенденции. Се твореа дела независно и готово истовремено со она што се случуваше во големите културни центри. Од редовите на ова здружение излегоа значајни уметници – Петар Мазев, Глигор Стефанов, Владимир Темков, Ристо Соколов – Сокол и други, кои оставија видни траги во современата македонска ликовна уметност… Со сигурност и гордост можам да истакнам дека Друштвото на ликовни уметници од Кавадарци е единствен, неповторлив и автентичен ликовен и културен феномен“ – Глигор Стефанов, Виндзор, Канада
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.