Uncategorized
Демонстрантите во Либан кампуваат во средиштето на Бејрут
![](https://makfax.com.mk/wp-content/uploads/2016/11/2c516c2f-198f-4556-9a4a-0a8d64df08bd.jpeg)
Симпатизерите на либанската опозиција,кои втор ден протестираат барајќи оставка од „прозападната“ влада, денеска поставија шатори во центарот на Бејрут.
Симпатизерите на либанската опозиција,кои втор ден протестираат барајќи оставка од „прозападната“ влада, денеска поставија шатори во центарот на Бејрут.
Како што јавуваат светските медиуми демонстрантите, предводени од политичката опозициска партија Хезболах, шаторите ги поставиле во близина на Плоштадод на мачениците, како и на улиците кои водат кон седиштето на владата.
Вчера, во центарот на Бејрут се собраа стотина илјади демонстранти кои бараат да се воспостави влада на национално единство.
Хезболах ја има сириската и иранската поддршка во желбата да ја сруши либанската влада која што ја сметаат за „американска марионета“.
Либанската влада во која што доминираат антисириски политичари, ја обвинува опозицијата дека се обидува да изврши државен преврат.
„Без оглед на тоа колку ќе останат на улица, тоа нема да ја сруши владата на премиерот Фуад Сињора“, изјави сунитскиот водач Саад ал Харири, за телевизијата „Ал Хура“.
„Демонстрантите вчера ги блокираа владините згради, но малку подоцна делумно ги деблок
ираа по остварената средба на опозициските водачи и арапските дипломати“, изјави еден од високите опозициски претставници, кој додаде дека „владата ги примила“ нивните пораки.
Хезболах ја критикува владата на Сињора дека не му пружила поддршка во војната со Израел која што беше водена пред неколку месеци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Средба на претседателот Африм Гаши со италијанскиот амбасадор Андреа Силвестри
![](https://makfax.com.mk/wp-content/uploads/2024/06/gashi-silvestri2.jpg)
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
![](https://makfax.com.mk/wp-content/uploads/2024/05/црква.jpg)
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
![](https://makfax.com.mk/wp-content/uploads/2024/05/thumbnail_Slika-1.jpg)
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.