Црна хроника
Поднесено обвинение за поседување оружје и дрога
Основното јавно обвинителство Скопје до Основниот суд Скопје 1 Скопје достави обвинение против едно 26-годишно лице, кое се товари за неовластено производство и пуштање во промет дрога, како и поради недозволено изработување и тргување со оружје или распрскувачки материи.
При претресот во домот на обвинетиот на 5.12.2018 година било пронајдена разновидна дрога. Притоа, од страна на припадниците на Единицата за недозволена трговија при СВР Скопје биле пронајдени и одземени 448,95 грама марихуана, 389,17 грама хероин, 66,73 грама хашиш и 1,79 грам кокаин во разни пакувања, разни видови таблети, како и неколку дигитални ваги со остатоци од разна наркотична дрога.
Обвинетиот кај себе неовластено држел и огнено оружје – еден револвер марка Astra Cadix од шпанско производство, како и еден пиштол марка Ekol Special 99 со рамка, кој бил пренаменет во огнено оружје. Кај него биле пронајдени и 199 куршуми во разен калибар и за разни огнени оружја, еден пар лисици, три фантомки и три панцири.
Надлежниот јавен обвинител до судот достави и предлог за продолжување на притворот со цел обезбедување присуство на обвинетиот и непречено водење на кривичната постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.