Полицијата нема дополнителни информации за самоубиството на скопјанецот, вработен како возач во Владата, што си го одзеде животот со застрелување во главата вчера, во гаражата на Владата

Тоа што самоубиството се случило во простории на Влада на Македонија, на целиот настан му дава малку чуден тон, но такви работи, за жал се случуваат постојано и секаде, вели заменик-министерот за внатрешни работи, Џеват Бучи.„Дополнителни информации нема, истрагата е во тек“, рече заменик-министерот Бучи, по денешното потпишување Меморандум за сорабтока со невладината ЦИВИЛ за собирање на нелегалното оружје. Инаку, самоубиството на 56 – годишниот возач во Владата, се случило вчера, во патничко возило на булеварот „Илинденска“, во Скопје, со прострелна рана во главата. Министерството за внатрешни работи, првично соопшти дека Момир А. со истрел од пиштол се застрелал во главата, а кога бил пронајден, покажувал знаци на живот и бил пренесен во Ургентниот центар, каде подоцна им подлегнал на повредите.Пишштолот со кој си пукал во главата пронајден е до него во возилото, а  утврдено е дека бил негов, за што поседувал и дозвола.