Црна хроника
Виктор Карамарков е осомничен за четирите убиства

Дваесет и осум годишниот Виктор Карамарков од Скопје, е серискиот убиец, за кого полицијата тврди дека е сторител на четири убиства, сите повозрасни жени, како и на три убиства во обид
Според полицијата, Карамарков кој е во затворот Идризово, ги извршил убиствата на Љубица Христовска (83), чие тело беше пронајдено на втори март годинава во населбата Бутел, следна жртва е Босилка Красоевиќ (71) и Вера Богоевска (76), кои биле убиени во ист ден, на 15 октомври.Елена Милева (69) е последната жртва на Карамарков, убиена на 26 октовмри, кога, тој се обидел да изврши самоубиство не можејќи да го издржи психолошкиот притисок од извршени злосторства, соопшти полицијата, додавајќи дека е уапсен таа ноќ.Сите убиства Карамарков ги извршил со секира завиткана во најлон, а мотивот бил користољубие, со што сите жртви биле повозрасни жени, од кои го ограбувал златниот накит што го носеле на себе.Во полициската евиденција Карамарков е евидентиран како нарко зависник и извршител на кражби, за што е осуден на осум месеци казна затвор и поради што во моментов е во затвор/Тој е под посебен надзор во затворот поради обид за самоубиствоМомчето е третиот сериски убиец во Македонија, кој се соочува со доживотна казна затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Притвореник побарал лекарска помош и починал во ќелија во затворот во Шутка

Притвореник од Долно Коњари вчера починал во КПУ Затвор Скопје, информираат од полицијата.
-На 30.08.2025 околу 15:30 часот во СВР Скопје од страна на вработен во КПУ Затвор Скопје е пријавено дека М.П. (54) од Д. Коњари, кој бил во притвор, побарал лекарска помош. Од страна на доктор од Итна медицинска помош во 15:58 часот била констатирана смрт, без траги на насилство, се наведува во соопштението од полицијата.
Црна хроника
Жена возела „дрво“ пијана низ Струмица, полицијата фати пијани возачи

Три лица од Виница, Куманово и Струмица се лишени од слобода поради управување со моторни возила под дејство на алкохол, при што предизвикале сообраќајни несреќи.
Вчера околу 13:10 часот, полициски службеници од СВР Струмица го привеле Р.П. (52) од Струмица. Тој управувал патничко возило „пасат“ на булевар Ленинова под дејство на 3,47 промили алкохол во крвта, што резултирало со сообраќајна несреќа.
Во истиот ден, на магистралниот пат Куманово – Крива Паланка, М.В. (45) од Куманово бил лишен од слобода откако при сообраќајка со својот „голф“ било утврдено дека возел со 1,99 промили алкохол во крвта.
Во вечерните часови, околу 23:30, во Виница на ул. Партизанска, полициските службеници ја лишиле од слобода 22-годишната Х.С. од село Лески. Таа управувала „цитроен“ со 3,20 промили алкохол во крвта и учествувала во сообраќајна несреќа.
По документирање на случаите, против сите тројца ќе бидат поднесени пријави по член 297-а од Кривичниот законик за „безобѕирно управување со моторно возило“.
Црна хроника
Возел автомобил со фалсификувана регистрација

Кавадарчанец со фалсификат регистрација возел во Неготино, информираа денеска од Секторот за внатрешни работи – Велес.
-Вчера на булевар „Маршал Тито“ во Неготино, полициски службеници од ОВР – Неготино, при контрола на товарно возило „сканија“ со гевгелиски регистарски ознаки, управувано од А.Н., на возраст од 36 години од Кавадарци, констатирале кривично дело „фалсификување исправа“, казниво по член 378 став 3 од КЗ на Република Северна Македонија, односно дека на возилото биле ставени регистерски таблици од друго возило, појаснија од СВР – Велес.
Извршен бил увид од увидна екипа од ОВР – Неготино. Возилото било одземено и по целосно расчистување и документирање на настанот, како што потенцираа од СВР – Велес, ќе биде поднесена пријава.