Стари беспомошни жени се жртвите на осомничените за двата случаја на сериски убиства, лани во Кичево и на вчера откриеното во Скопје. Според профилот на сторителите и на жртвите, според се’ судејќи, е кумулирана омраза кон мајката, во комбинација со примери познати од уметноста или медиуми

Профилот на серискиот убиец на стари жени во Скопје за што е осомничен Виктор Карамарков, е создаден прво според профилот на жртвите. Имено, сите се стари жени кои живееле сами, а осомничениот ги убивал заради пари. Имајќи, предвид дека Карамарков живеел со самохрана мајка која била злоставувана од него, како што велат неговите соседи – сторија којашто за кусо време ќе може да ја проследите на Макфакс.Психијатрите, според изборот на неговите жртви, сметаат дека станува збор за омраза кон женскиот родител, најверојатно заради проектирано обвинување за вина за отсуството на таткото. Полициската истрага дојде и до податокот дека негова инспирација се делата на Достоевски, поточно ликот Раскољников, кој ја убива својата газдарица за да дојде до нејзините пари. Истрагата имено смета дека материјалните средства, пари и накит биле цел на убиствата, а истоименото полициско досие отворено за истрагата се совпадна со изјавата на Карамарков за тоа дека му биле омилени класиците на рускиот писател. Но, оние што го познаваат подобро, велат дека бил импресиониран од хорор филм за серискиот убиец Кендимен кој го гледал на 14-годишна возраст. Сепак, како и да, без оглед на потребата за пари за набавка на дроги, гневот е насочен кон мајката, а смисленоста на злосторствата покажуваат дека убиецот сака да ја покаже својата интелигенција и креативност, па дури и да се експонира. На моменти дури, може да се забележи и негово предизвикување на полицијата, односно желба да се надмудрува, исто така, според урнек на повеќето криминалистички филмови  и серии.Она што е интересно е што бесот кон мајката беше и дел од профилот на осомничениот сериски убиец од Кичево, 56-годишниот новинар Владо Танески, кој беше пронајден мистериозно самоубиен во тетовскиот истражен затвор. Тој беше осомничен дека стои зад убиствата на 65-годишната Живана Темелкоска која беше пријавена за исчезната на 7 мај 2008 г. а беше пронајдена мртва на 16-ти минатиот месец, како и на Митра Симјаноска која исто така прво беше пријавена за исчезната на 16 ноември 2004 г. а најдена мртва на 12-ти јануари 2005 г.Покрај овие две, постојат индиции дека осомничениот ја убил и 56-годишната Љубица Личоска на 10 ноември 2007 г. која на 3-ти февруари годинава беше пронајдена мртва во близина на планинскиот превој Стража. Покрај тоа, полицијата се сомнева дека оваа личност е поврзана и со исчезнувањето на Горица Павлеска, исто така од Кичево, која уште од 30 мај 2003 г. е пријавена како исчезната, но досега не е пронајдена.Профилот на четирите жртви е што сите се во поодмината возраст, сите живееле во ист дел на Кичево, со слабо образование и главно работеле како хигиеничарки.Полициските служби при истрагата и имајќи некои индиции, заклучиле дека ваквиот профил на жртвите, делумно соодветствува на профилот на покојната мајка на сега покојниот Танески, која работела како хигиеничарка во болница и со која според документираните сознанија, тој бил во исклучително лоши односи.Исто така, карактеристично за жртвите е што според вештачењата од судска медицина сите се убиени на ист начин. Во трите случаи станува збор за изживување и нивно сексуално и физичко малтретирање. Сите три биле најдени голи, врзани со телефонски кабел, задавени и завиткани во најлонски ќеси, а потоа фрлени на различни места. Кај сите се констатирани бројни повреди по надворешноста и внатрешноста од нивните тела. На пример, кај Живана Темелкоска утврдено е дека била предмет на изживување од страна на сторителот со оглед на тоа што само на черепот имала 13 повреди, а и биле скршени и повеќе ребра од двете страни на градниот кош. Покрај тоа, од страна на вештаци во вагината и во анусот биле пронајдени и разни предмети. Всушност, за идентификацијата на осомничениот, најмногу помогнала ДНК-анализата на спермата најдена кај Темелкоска и Симјаноска., што само зборува за огромен кумулиран бес кај убиецот. По опсежната истрага и анализа, полицијата со метод на елиминација пред десетина дена го стеснила кругот на осомничени на неколку лица, по што истите биле повикани и од нив биле земени материјали за анализа. По наредба на Истражен судија и по направените ДНК-проверки во Институтот за судска медицина, било потврдено совпаѓањето на профилот на осомничениот со биолошките траги пронајдени во Темелкоска и Симјаноска, за чие убиство веќе се осудени други две лица.

Фотографии за  Владо Танески