Црна хроника
Женски труп пронајден на плажата „Галеб“ во Струга

Женски труп претпладнево е пронајден на брегот на плажата „Галеб“ во центарот на Струга. Идентитетот на жртвата засега е непознат, а полицијата ги истражува околностите под кои таа го загубила животот.
„Нешто по 11 часот водата исфрли тело тука на плажата „Галеб“, но изгледа дека тоа подолго време било во езерото, а дали е дојдена од длабочина или поблиску не знам“, пренесува изјава на очевидец на немилиот настан интернет порталот „Ohridnews“.На местото на несреќата увид вршат екипи на струшката полиција и истражен судија, кои ги очекуваат наодите на лекарите што треба да помогне во расветлување на случајот.На истото место во септември во трагичен настан животот го загубија тројца угледни граѓани на Струга.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Двајца приведени за подметнување пожар кај Тиквешко езеро

Кавадаречката полиција вчера околу 19:00 часот ги приведе З.К. (33) од Бегниште, кавадаречко и И.И. (19) од Кавадарци, поради сомнение дека предизвикале пожар на сува трева, трње и нискостеблеста шума кај месноста викана Блато на Тиквешко езеро, во атарот на село Куманичево.
Повредени лица нема, а пожарот бил изгаснат со вклучување на авиони од Дирекција за заштита и спасување, возила на интервентивната пожарна бригада при ДЗС и територијалната противпожарна единица Кавадарци.
Увид извршила екипа од ОВР Кавадарци, а се работи на целосно расчистување на случајот. Полицијата апелира до граѓаните да ги почитуваат правилата за безбедност при работа и престој во природа за да се избегнат вакви инциденти во иднина.
Црна хроника
Сè изгоре, пожар во прилепско село остави пустош и милионска штета

Голем пожар вчера попладне ја зафати имотната површина на семејство во прилепското село Канатларци, при што целосно изгореа помошни простории и вредна земјоделска механизација. Според полицијата, материјалната штета е проценета на околу 5 милиони денари.
Пожарот избувнал на 29 август околу 13:20 часот во дворниот простор на куќата на С.К. (44) од Канатларци. За неполни два часа пламенот проголтал летна кујна, штала и гаражи, а во нив и огромна количина земјоделски добра.
Од огнот биле уништени помошните објекти, 500 до 600 балиња тутун, два моторцикли („Хамачи“ и „Шинерај“), повеќе апарати за домаќинство, мебел и разни кујнски предмети. Освен тоа, во пепел завршиле и мотор „Титаник“, електрична машина за нижење тутун „Тобако“, тракторска опрема, како и патничко возило „Цитроен Берлинго“.
Трагедијата е уште поголема со оглед дека изгореле и дополнителни 300-400 бали тутун, околу 2.000 метри најлон за садење бостан и цел систем за наводнување од 4.000 метри. Огнот не поштедил ниту три трактора – еден „Џондир“ и два „Тафе“, од кои едниот е целосно изгорен, а другиот делумно оштетен.
Противпожарните екипи успеале да го изгаснат пожарот околу 15:35 часот, но зад нив останал вистински пустош. Од Министерството за внатрешни работи информираат дека увид на местото извршиле вешто лице и екипа на ОКТУПА, а причините за избувнувањето на огнената стихија дополнително ќе се утврдуваат.
Топ
Маж ја тепал бремената сопруга: јa притискал за вратот и ја удирал главата од креветот

Јавен обвинител од Основното јавно обвинителство Скопје поведе постапка против државјанин на Република Хрватска, кој е осомничен за кривично дело – Телесна повреда од член 130 став 2 во врска со став 1 од Кривичниот законик.
При вршење семејно насилство во домот во Скопје тој телесно ја повредил неговата сопруга. Најпрво почнал да и се обраќа на висок тон, а потоа физички ја нападнал удирајќи ја со тупаници и шлаканици по главата и телото. Потоа продолжил силно да ја притиска за вратот, иако знаел дека е во петтиот месец од бременост. Во еден момент ја зграбил и насилно ја фрлил во креветот, по што и ја удирал главата од ивицата на креветот. Престанал кога оштетената започнала да крвари, по што жртвата успеала да се засолни во тоалетот и да повика полиција и брза помош.
Осомничениот слушнал дека повикува помош, по што го напуштил станот. Кај оштетената била констатирани бројни повреди на главата, но и на плацентата во која е сместен плодот.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.