Во текот на вчерашниот ден на територијата на град Скопје биле изречени вкупно 168 казни за сообраќајни прекршоци, информираат од министерството за внатрешни работи.

За непочитување на брзина на движење казнети биле 60 возачи, 23 санкции биле иречени за возење без возачка дозвола, осум за технички неисправни и нерегистрирани возила.

Од МВР додаваат дека петтмина возачи биле казнети за управување на возило под дејство на алкохол, шест за користење мобилен телефон, пет возачи се санкционирани за минување на црвено светло и 16 за непрописно паркирани возила.

Од ресорното министерство велат дека засилените сообраќајни контроли продолжуваат и во наредните денови и апелираат до граѓаните да ги почитуваат сообраќајните правила и прописи.

Пресечен е меѓународен канал за трговија со хашиш, пришто на граничниот премин Деве Баир приведен е албански државјанин.

Од МВР информираат дека се запленети 14 килограми хашиш, кои од Албанија, па преку Македонија и Бугарија, требало да стигнат во Турција.

„По претходно преземени мерки, во 12.45 часот на граничниот премин Деве Баир (на излез од РСМ) извршен е претрес на возило БМВ, управувано од албанскиот државјани Х.Х. (60) при што во два бункера биле пронајдени пакувањата со хашиш. Х.Х. е лишен од слобода и во текот на денот ќе биде предаден на надлежното обвинителство со соодветна кривична пријава“, соопшти портпаролот на МВР, Тони Ангеловски.

МВР продолжува со интензивните мерки и активности за сузбивање на нелегалната трговија со дрога. Завчера беа запленети над половина тон марихуана,а акциите продолжуваат и во наредениот период, рече Ангеловски.

При контрола на угостителски објект во Гостивар, синоќа во 21.35 часот, било забележано дека објектот работел по дозволеното работно време и во него имало гости.

Објектот од страна на Државен пазарен инспекторат е затворен, а сопственикот М.Н. е приведен. По целосно документирање на случајот ќе биде поднесена кривична пријава по член 206 од Кривичниот законик – „непостапување според здравствените прописи за време на епидемија“.