Црна хроника
Полицајци го застрелале стружанецот за да го запрат неговото дивеење?
Стружанецот Вејсел М. Кој беше убиен вчера, најверојатно го застрелале полицајци во обид да го фатат и да го запрат неговото дивеење во Струга.
Од охридската полиција велат дека не исклучуваат дека Вејсел бил погоден од заскитан куршум кој го испукале полицајците во обид да го фатат, но дека сè уште се вршат разговори со полицајците кои биле на местото на инцидентот, а вклучен е и Секторот за внатрешна контрола.
Бркотниците меѓу Вејсел и полицијата, кој бил душевно болен почнале околу 19 часот кога неговиот татко пријавил дека синот го малтретирал физички и психички и барал повторно да го вратат во Душевната болница „Скопје“ за што имале и лекарски упат од специјалист невропсихијатар.
Полицајците стигнале во нивната семејна куќа во струшкото село Калишта, но кога Вејсели ги забележал полицајците избегал кон Охридското езеро.
Околу 22 часот тој нападнал таксист и двајца холандски туристи коишто се возеле со таксито и со нож на вратот му наредил на таксистот да го однесе кај неговиот тетин во село Радолишта. Кога стигнале таму му зел 200 денари и ги пуштил да си одат.
Во куќата на неговиот тетин биле неговиот татко и сестрата. Вејсел со тврд предмет ги исекол тетинот и тетката, а кога успеале да го извадат надвор од куќата, неговиот татко ја известил полицијата дека Вејсел дошол во Радолишта.
Први на местото на инцидентот пристигнале полицајци од сообраќајната полиција, но Вејсел веќе побегнал во населбата Фиериште. Таткото заедно со полицајците заминале да го бараат Вејсел.
Кога го забележале полицајците излегле од возилото за да го приведат, му наредиле да застане и да се предаде.
Откако три пати го предупредиле, а тој не застанал, двајцата полицајците испукале по еден куршум.
Но Вејсел и понатаму бегал, па полицајците повторно испукале по еден куршум. По кратко време Вејсел бил фатен во дворот во една куќа во Радолишта, каде во меѓувреме пристигнало засилување од други полицајци. Кога полицајците го кренале за да го стават во полициското комбе, забележале крв на устата на Вејсел. Го однеле во медицинскиот центар во Струга каде била констатирана смрт.
При првичниот преглед, хирург од болницата констатирал влезна рана предизвикана од огнено оружје во горниот лев дел од грбот.
Истражен судија и Јавен обвинител кој што заедно со увидна екипа од СВР-Охрид, ПС-Струга и претставник на Секторот за внатрешна контрола и професионални стандарди, ивршиле увид на лице, а телото е предадено на обдукција.
Неговата психичка болест, според полицијата се манифестирала со доста агресивно однесување и членовите на неговото семејство повеќе пати пријавувале дека ги напаѓал.
Поради ова тие побегнале од нивниот дом и се сместиле под кирија. Неговиот брат пред неколку дена без причина ја уби газдарицата кај која живее. /крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.