Синоќа по полноќ, во полицијата било пријавено дека пред угостителски објект во Долно Блаце биле испукани неколку истрели.

Полициски службеници од Полициска станица„Долно Блаце“ излегле на местото на настанот и на паркинг просторот во близина на угостителски објект пронашле чаури од пиштол.

Од МВР информираат дека нема повредени лица и се работи на расчистување на случајот.

Еден маж е потешко повреден со изгореници, а 10 лица се затруени од чад, во пожарот што се случи денеска во стан во зграда на улицата „Димо Гавровски Кара“ во Тетово.

Тешко повредениот е пренесен во Клиничкиот центар Мајка Тереза во Скопје.

Од Клиничката болница Тетово информираа дека кај повредениот маж имало изгореници од 4 степен, додека заструените од чадот се во лесна состојба. Тие биле примени во интерно одделение, а потоа пуштени на домашно лекување.

Експлозијата најверојатно ја предизвикала плинска боца. На терен интервенирале 10 пожарникари и три возила.

Против три лица oд Скопје поднесена е кривична пријава за разбојништво.

Тројцата додека се превезувале во такси возило на улицата „Бросјачка буна“ го нападнале таксистот и му одзеле пари и мобилен телефон.

Според информациите од полицијата, настанот се случил неделава, а станува збор за лица на возраст од 19, 26 и 17 години.