Црна хроника
Прилепчани со лажни картички украле над два милиони денари
Петмина прилепчани и еден Бугарин изработувале лажни платежни картички и украле повеќе од два милиона денари, соопштуваат во четвртокот од МВР. Осомничените се уапсени во средата во полициската акција „Винкор“.
Осомничените од декември лани до јули годинава незаконски набавиле уреди за снимање банкарски податоци – скимери и украле банкарски податоци од вистински платежни картички .
Според досегашните докази, измамниците 19 пати ги монтирале скимер уредите на банкомати марка „Wincor“ на домашни банки лоцирани во Скопје, Прилеп, Неготино, Битола и Охрид и прибавиле податоци од 829 платежни картички и со тие податоци изработиле лажни картички.
Со нив извршиле 475 успешни нелегални трансакции во износ поголем од два милиона денари и 574 неуспешни во износ од над 2,6 милиони денари.
„Кога не можеле некоја трансакција да ја реализираат во земјава, пријавените лица со фалсификуваните платежни картички вршеле нелегални трансакции на банкомати и на продажни места во други земји од регионот, како Бугарија и Србија, но и во земји како Малезија, Перу. Регистрирани се и случаи кога податоците на украдените платежни картички од вистински носители на платежни картички ги продавале преку Интернет со коишто, пак, податоци биле вршени нелегални трансакции од страна на непознати лица“, велат од МВР.
Во среда во Прилеп извршени се шест претреси во домовите на осомничените и пронајдени се четири скимери, уред за изготвување фалсификувани кредитни картички, 55 фалсификувани платежни картички и друга опрема за правење и подготовка на скимери. Исто така, е пронајден еден лап топ компјутер кој е користен за подготовка на фалсификувани кредитни картички и два десктоп компјутера.
Во домот на еден од осомничените бил затекнати Бугаринот кој додека престојувал во земјава поставил два скимера на банкомати на домашни банки во Прилеп и неколкупати во други градови во Македонија.
Тој бил задолжен за испраќање на податоците преку интернет во други земји, заради нивна натамошна злоупотреба.
Тројца од пријавените македонски државјани веќе и’ се познати на полицијата, бидејќи и порано биле апсени за фалсификување на платежни картички./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.