Црна хроника
Запленети 68.000 евра и околу 800 грама злато
Царинските службеници во последните неколку дена заплениле 68.100 евра и 800 грама златен накит, коишто требало да бидат нелегално внесени во Македонија.
Пред три дена на граничниот премин Богородица српски државјани се обиделе да внесат во Македонија 98.100 евра. Српските државјани не пријавиле ништо, но при преглед на автомобилот биле најдени парите.
Откако возачот и едниот сопатник изјавиле дека по 10.000 евра се нивна сопственост, а остатокот сопственост на другиот сопатник, на секој од патниците им биле вратени по 10.000 евра, износ што нерезидентите, согласно Законот за девизи, имаат право слободно да го внесат во Република Македонија. Остатокот од 68.100 евра е задржан.
Во два одвоени случаи пронајден бил златен накит од над 800 грама во вредност од 1,3 милиони евра.
Во првиот случај, на граничниот премин Меџитлија, при контрола на автомобил со италијански регистарски таблички, управуван од македонски државјанин пронајдени се 32 парчиња златен накит со жиг „585“, белегзии, ѓердани, ѓердан со петолирки, обетки и прстени, со вкупна маса од околу 450 грама и проценета вредност на околу 560 илјади денари.
Златниот накит е пронајден во женска ташна, сместена во багажниот простор на возилото, во фабричката празнина наменета за сместување на алат. Покрај тоа, во истата ташна се пронајдени и 17 парчиња накит-бижутерија, нараквици, обетки и ѓердани, а во повеќе патни торби и во багажниот простор пронајдени се и непријавени и 271 готови текстилни производи детски блузи, женски панталони и долна облека.
Во вториот случај на скопскиот аеродром Александар Велики, при контрола на патните торби на македонска државјанка, која допатувала со лет од Цирих, царинските службеници откриле непријавени 19 парчиња златен накит, петолирки, алки, прстени и синџирчиња со вкупна маса од 355 грама и 8 парчиња накит-бижутерија, обетки, алки, брош, прстен и ѓердан. Вредноста на златниот накит е проценета на околу 655 илјади денари.
Покрај ова, во текот на минатата недела и викендот, царинските службеници спречија и обиди за криумчарење помали количестава наркотички средства, нелегален влез на патници и повеќе обиди за криумчарење на разна стока, при што се задржани цигари, фалсификати, електронски уреди и боксирачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против директорка на градинка во Велес, при аплицирање за позицијата дала сертификат за англиски јазик со невистинита содржина
Единицата за корупција при Одделот за сузбивање на организиран и сериозен криминал (ОСОСК) на 25.04.2024 до ОЈО Велес поднесе кривична пријава против 44-годишната М.В. од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.
„Пријавената, на функција директор во општинска јавна установа за деца – детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија.
Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата“, соопшти МВР.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.