Црна хроника
Камион излета од патот кај Раштак, загина еден човек
Во сообраќајна незгода еден човек загина, а двајца други се повредени по што се пренесени во Ургентниот центар во Скопје, откако камион излетал од патот пред селото Раштак.
Несреќата се случила во понеделник околу 8.30 часот, кога камионот излетал од локалниот пат Црешево-Раштак, на влез во село Раштак.
Трагедијата се случила кога товарно моторно возило „ТАМ“ со скопски регистарски таблички кое носело песок од засега непознати причини излетало од коловозот, при што на самото место починал сопатникот, а возачот на камионот и уште еден сопатник се здобиле со тешки телесни повреди и се пренесени во Ургентниот центар во Скопје.
Возачот и сопатниците скокнале од камионот, но сè уште нема детали како се случила несреќата.
Полицијата врши увид./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.