Црна хроника
Масакар во Њу Брунсвик во Канада
Тројца полициски службеници се убиени, а двајца се ранети во вооружен инцидент, редок за Канада, кој се случи во провинцијата Њу Брунсвик, во Монктон, на западниот брег од земјата, изјавиле утрото во четвртокот полициски функционери кои истакнале дека сé уште трагаат по извршителот.
Локалниот полицаец, Дамиен Терио, изјавил дека полицијата стигнала на местото по претходен повик кој го добила во средата околу 19 часот и 30 минути по локално време.
„Сé уште трагаме по човекот кој отвори оган”, истакнал Терио и додал дека извршителот најверојатно сé уште е во Пајнхарст, дел од Монктон, во кој се случил инцидентот.
„Ги повикуваме жителите да останат во своите домови и да се заклучат, а останатите да останат настрана од оваа област”, било наведено од полициската служба.
Терио истакнал дека лично ги познавал тројцата убиени полициски службеници, и се расплакал за време на конференцијата со новинарите.
Осомничен за убиството е 24-годишниот Џастин Бурк од Монктон, каде живеат околу 69 илјади жители и кој се наоѓа на околу 150 километри североисточно од Сент Џон, главниот град на провинцијата Њу Брунсвик.
Полициските служби на „Твитер” објавиле фотографија од осомниченото лице, на која тој носи маскирна униформа, како и два пиштола.
Еден градежен работник просведочил дека го забележал убиецот од далечина, облечен во маскирна униформа, како стои на средина на улица и држи пиштол вперен во полициските возила.
Тогаш работникот мислел дека станува збор за полицаец сé додека човекот со пиштолот не почнал да пука. Работникот потоа брзо се повлекол во својот дом и останал таму со своето семејство, а еден негов комшија потоа напишал на социјалната мрежа дека еден од куршумите залутал во прозорот од неговата куќа.
Според зборовите на градежниот работника, во неговата мирна улица ретко кој во средата спиел. Според него сите чекале информација дека убиецот е уапсен.
Веста дека се убиени повеќе полициски службеници го шокирала ова инаку мирно населено место.
Полицијата блокирала неколку улици,а сообраќајот бил пренасочен.
Полициските служби додаваат дека ваков инцидент на насилство е многу редок во Канада, особено на нејзиниот источен брег.
Најжестокиот напад врз канадската полиција во последните 120 години се случил во 2005 година, во западната провинција Алберта. Во овој инцидент биле убиени четворица полициски службеници./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Во тешка сообраќајна несреќа загина 20-годишник од Прилепско
Вчера во 12.16 часот во ОВР Прилеп било пријавено дека на регионалниот пат Македонски Брод–Прилеп, кај село Новоселани, се случила сообраќајна несреќа помеѓу патничко возило „бмв“ со прилепски регистарски ознаки, управувано од 20-годишниот М.М. од село Браилово-прилепско и товарно возило „мерцедес“ со скопски регистарски ознаки, управувано од 43-годишниот К.Т. од Скопје, извести МВР.
„Во несреќата на местото на настанот починал М.М., а смрт била констатирана од лекар од Итна медицинска помош. Со телесни повреди се здобил К.Т., констатирани во Градската општа болница Прилеп“, соопшти МВР.
Извршен бил увид од Јавен обвинител и увидна екипа од ОВР Прилеп.
Црна хроника
Кривична против директорка на градинка во Велес, при аплицирање за позицијата дала сертификат за англиски јазик со невистинита содржина
Единицата за корупција при Одделот за сузбивање на организиран и сериозен криминал (ОСОСК) на 25.04.2024 до ОЈО Велес поднесе кривична пријава против 44-годишната М.В. од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.
„Пријавената, на функција директор во општинска јавна установа за деца – детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија.
Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата“, соопшти МВР.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.