Црна хроника
МКЦ му забрани влез на лицето кое ја повреди студентката на концертот на ’Сепултура’
Младинскиот културен центар му забрани влез на лицето, чиј идентитет останува непознат, кое на 9-ти овој месец падна врз девојче од Битола кое со тешки повреди на главата беше примена во Клиничкиот центар Скопје. Од МКЦ информираат дека повредената студентка во четврток била пуштена на домашно лекување.
„Mладата студентка Маја, која пред три денови беше повредена на концертот во ЈУ МКЦ, вчера, во добра здравствена состојба го напушти Клиничкиот центар и замина во својот дом во Битола. Во изминатите денови, МКЦ заедно со семејството на Маја и лекарскиот тим беше фокусиран на закрепнувањето на Маја, бидејќи здравјето на Маја беше единствениот приоритет. Токму од овие причини, свесно ги одбегнувавме сите коментари и шпекулации кои кружеа во јавноста”, пишува во соопштението на МКЦ.
Од таму велат дека искрено жалат за немилиот настан и дека и покрај фактот што не биле организатори на настанот, секогаш безбедноста на граѓаните и изведувачите им е на прво место.
„Во овој контекст, индивидуата која го предизвика овој инцидент, јавно ја прогласуваме за непожелна на сите настани во ЈУ МКЦ и киното Милениум. Нему, но и на сите останати, кои нема да ги почитуваат нашите безбедносни правила и прописи, исто така ќе им биде забранет влез на настаните во ЈУ МКЦ и киното Милениум”, се вели во соопштението./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.