Црна хроника
Братче и сестричка од Делчево се борат за живот, наместо бонбони, голтнале тешки седативи
Братче и сестричка од Делчево се борат за живот. Наместо бонбони, голтнале тешки седативи. Ги нашле играјќи си на улицата позната како „Пустевски ендек“ во Делчево пренесува „Старплус“ на ТВ Стар од Штип. Децата на возраст од 7 и 4 години околу 18 часот биле примени во делчевската брза помош во тешка здравствена состојба.
„Фамилијата донесе таблети асентра и кај едното дете најдовме таблети верапамил.Направивме лаважа, децата развија блокада на срцето, едното од втор, другото од 3 степен – изјави д-р Гоце Стојменовски, раководител на Итна медицинска служба Делчево.
Драмата за да спасат двата детски животи во делчевската брза помош траела неколку часа.Децата се префрлени на детската клиника во Скопје, од каде информираат дека тие денеска се во добра општа состојба, благодарение на навремената интервенција, додава „Старплус“ на ТВ Стар,
„Прво велеа дека ги нашле во буре, па после тука на улица, многу беше тешко“, рече Ерсин Ибраимов, татко на децата.
Ова семејство живее од социјална помош и во мизерни услови. Соседите велат дека децата, најверојатно, биле гладни:
„Тешко живеат, децата ги напушти мајка им, сега Ерсин ги гледа со мајка му и таа е болна. Сигурно биле гладни“, рече Тони Јакимовски, сосед.
Таблети кои пливаа по ендекот крај улицата се забележуваа и денеска./крај/мф/др
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против директорка на градинка во Велес, при аплицирање за позицијата дала сертификат за англиски јазик со невистинита содржина
Единицата за корупција при Одделот за сузбивање на организиран и сериозен криминал (ОСОСК) на 25.04.2024 до ОЈО Велес поднесе кривична пријава против 44-годишната М.В. од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.
„Пријавената, на функција директор во општинска јавна установа за деца – детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија.
Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата“, соопшти МВР.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.