Црна хроника
Еден загинат во сообраќајка кај Бујановац
– фото rts.rs
Едно лице загина, а девет се повредени во сообраќајна несреќа, која се случила во неделата околу 22.30 часот на патот Врање-Прешево, на околу два километра од Бујановац.
Едно лице загина, а девет се повредени во сообраќајна несреќа, која се случила во неделата околу 22.30 часот на патот Врање-Прешево, на околу два километра од Бујановац.
Несреќата се случила кога камион со македонски регистарски ознаки се судрил со автобус со регистарски ознаки на Лесковац кој превезувал азиланти од Прешево кон Врање и Белград.
Како што пренесува државната телевизија на Србија, РТС, на лице место биле ангажирани четири санитетски возила. Повредените од кои девет биле со потешки, а осум со полесни повреди, се префрлени во болницата во Врање. крај/мф/нц
Извор: rts.rs
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.