Црна хроника
Обвинетата за претепувањето на девојчето: Не е вистина дека ја отепавме, сама падна по скали
Не е вистина дека ја тепавме, девојчето самото падна по скали, тврди невенчаната сопруга на Џемаил Браими, обвинетиот за убиството на тригодишното девојче Мевљана, која ќе одговара за соизвршителство.
„Тоа не е вистина, девојчето само си падна од скалите ние не ја отепавме, моите три златни деца година дена не ги гледам. Го чувавме тоа девојче, ние не ја малтретиравме. Ја чувавме една недела, боси, голи, болни ми ги донесе , со вошки во глава. Јас ги чував, не ги малтретирав, тоа не е вистина да е така моите деца ќе ги отепав“, изјави Јасмина Махмуд, невенчаната сопруга на обвинетиот.Судењето за убиство на девојчето беше одложено по вторпат, бидејќи обвинетиот не го прифати адвокатот што му е доделен по службена должност, бидејќи не избрале адвокат којшто ќе ги застапува.Иако судијката од минатото рочиште им даде рок од 17 дена да си изберат свој адвокат, обвинетите не го направиле тоа, па побараа повторно да се одложи судењето. Наводно, сопругата разговарала со адвокатот Звонко Давидовиќ и го избрале него да им биде адвокат, но тој не можел да дојде на рочиштето.Судијката го одложи процесот и ги предупреди обвинетите дека наредното рочиште ако немаат избрано повторно адвокат, нема да ги толерира и ќе им се суди со бранител доделен по службена должност, бидејќи обвинетиот се товари за тешко кривично дело и бидејќи се прават огромни трошоци за рочиштето.Минатото рочиште се одложи бидејќи адвокатката којашто ја избрале, Светлана Тодоровска, немала пет години работно искуство, коешто, според новиот Кривичен законик е потребно кога му се суди на лице на кое му се заканува казна затвор од најмалку десет години до доживотен затвор.Обвинетиот се бранеше дека сопругата не можела да договори адвокат, бидејќи имала мало бебе, а тој не можел од притвор па дури и побара да се брани од слобода за да си договорел адвокат.Осомничениот за убиство е во притвор додека неговата невенчана сопруга има забрана да го напушта Скопје и забрана да ги види своите две малолетни деца кои се згрижени во старателско семејство.Двете семејства, кои биле соседи за време на убиството живееле заедно. Додека мајката била на работа, соседите го чувале убиеното девојче Мевљана и нејзиниот постар брат. Девојчето се измокрило на тепихот, па Џемаил го претепал до смрт со електричен кабел.Неколку години постариот брат на убиеното девојче и едно од децата на осомничените во својство на сведоци и во присуство на социјален работник на инспекторите им раскажале што виделе и чуле од страшната случка.По трагедијата и’ се јавиле и и’ рекле дека девојчето паднало по скали, но резултатите од обдукцијата покажаа дека смртта кај малото девојче била насилна. Повредите покажувале дека девојчето било често тепано. На неа имало модрици, крвавење, ѝ биле скршени ребрата од двете страни, а клучната коска на девојчето била скршена пред околу две седмици пред трагедијата.Смртта настапила како последица на шок од целокупната комбинација на повреди.Мајката на тригодишното девојченце, Садие Саитова, побара убијците на нејзиното дете да бидат во затвор „додека се живи“.„Ништо не ми кажаа кога се вратив од работа, ми велат дека паднало девојчето по скали, само тоа ми кажаа. Не живеевме долго заедно. Не знаев дека ја тепаат и претходно, на син ми му беше страв да ми каже. Сега живеам кај мајка ми и татко ми и браќата, тие ми помагаат, ама многу е тешко. Од судот ќе барам обвинетите да бидат во затвор додека се живи“, изјави Саитова. Судењето беше одложено за 25-ти декември./крај/мф/ффс
Извор: Фото: Телеграф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.