Црна хроника
Охриѓанка се обидела да си го убие сопругот со нож
Триесет идвегодишна жителка на охридското село Пештани се обидела да го убие својот сопруг со нож, соопшти Министерството за внатрешни работи.
Според полицијата, В.Р. од село Пештани, на трети овој месец, на својот сопруг Ј.Р. (26) со кујнски нож му нанела неколку убоди во пределот на градниот кош. Истиот, итно бил пренесен во општата болница во Охрид каде по укажаната медицинска помош е задржан на понатамошно лекување.
Настанот се случил околу 16 часот откако помеѓу нив настанала жестока вербална расправија додека биле во кујната на семејната куќа. Тогаш В.Р. посегнала по ножот и на својот сопруг му задала неколку убоди во пределот на градниот кош.
Полицијата извршила увид во семејната куќа на сопружниците и одзела два кујнски ножеви кои се предадени за криминалистичко-техничко вештачење во МВР.
Против В.Р. полицијата поднесе кривична пријава поради постоење основи на сомнение за сторено казнено дело „убиство во обид“.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.