Контакт

Daily news

Дачиќ: Одлуката на судот во случајот Харадинај и изјавите на албанските политичари се организирана акција

Објавено пред

 

Српскиот министер за надворешни работи Ивица Дачиќ оценил дека одлуката на судот во Франција во случајот на Рамуш Харадинај и изјавите на албанските политичари на Балканот се дел од „организирана акција“, пренесуваат српските медиуми.

 

Коментирајќи ги заканите на поранешниот командант на Ослободителната војска на Косово (ОВК) Харадинај, направени кон српскиот премиер Александар Вучиќ, Дачиќ порачал дека таквите изјави „му доликуваат на човек кој е обвинет за воени злосторства“, но дека тоа е јазикот на меѓународната политика.

 

„Белград на тоа делува воздржано, не поради тоа што сме слаби или се плашиме од Харадинај, но доколку сакаме мир и стабилност, меѓународната заедница мора да води балансирана политика, а не да биде заштитник на Албанците“, рекол Дачиќ.

 

Според него, претставниците на ЕУ и САД „доста тешко умеат да направат било каква осуда кон албанските политичари“. „Патот од кошмарите до тешката реалност некогаш е доста краток. Србија на никого не се закани, а тие веќе го сместуваат Ниш во Голема Албанија, очигледно тоа е заедничка платформа на албанските политичари“, оценил српскиот министер./крај/мф/бс

 

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Свет9 часа

(Видео) Тајгер Вудс се бори за живот по тешка сообраќајна несреќа во Лос Анџелес

Најдобриот голфер Тајгер Вудс се бори за живот по тешка сообраќајна несреќа што се случи денеска во близина на Лос...

Македонија10 часа

Мијалков однесен во домашен притвор на Водно

Во полициски автомобил со затемнети стакла Сашо Мијалков беше изнесен од Обвинителството за гонење организиран криминал. Автомобилот беше во придружба...

Македонија11 час

(Видео) Мицкоски: Криминалната коалиција Заев – Мијалков прави циркус од државата

По пријавувањето на ексдиректорот на УБК, Сашо Мијалков, во Обвинителството за организиран криминал и корупција, се огласи и лидерот на...

Македонија11 час

Русковска: Не верувам дека Мијалков бил болен

Обвинителката Вилма Русковска рече дека е среќна што ексдиректорот на УБК, Сашо Мијалков, сам се пријавил во Обвинителството. Таа објасни...

Македонија12 часа

И без сознанија за бегство, одреден куќен притвор за Миле Јанакиески

Определен нов куќен притвор за ексминистерот Миле Јанакиески за предметот ТНТ откога обвинителите забележале дека не може да му го...

Македонија12 часа

( Видео) Заев: Мијалков избега и тоа што се појави не е олеснителна околност

Правдата е обезбедена и ќе ја има повеќе и почесто и ќе следува ваков одговор кога некој ќе сака да...

Македонија14 часа

Мијалков се појави во Обвинителството, тврди дека бил во изолација

Ексдиректорот на УБК, Сашо Мијалков, по два дена, попладнево сам се појави во Обвинителството за организиран криминал во Скопје за...

Македонија18 часа

(Видео) „Ова е објавување војна“ – роднините на осудените во „Монструм“ најавија протест

Бедри Ајдари, братот на осудениот во „Монструм” Фејзи Азири, повика на протести поради казните изречени од кривичниот суд. Тој по...

Македонија18 часа

Мицкоски: Бегството на Мијалков беше договорено, време е за техничка влада

Дадовме 24 часа вашата истрага да даде резултат, ама договорено беше бегството на Мијалков, изјави лидерот на ВМРО-ДПМНЕ, Христијан Мицкоски,...

Македонија20 часа

(Видео) Тројца обвинети во „Монструм“ добија доживотен затвор, двајца од нив се во бегство

Тројца обвинети во случајот „Монструм“ се осудени на доживотен затвор, двајца на 9 и 15 години, а еден е ослободен....

Македонија20 часа

Радев: 100.000 граѓани во Македонија имаат бугарско државјанство, да се почитуваат нивните права

Бугарскиот претседател, Румен Радев, повикува на навремен одговор од одговорните институции во Бугарија и Македонија за проблемите со кои се...

Регион21 час

„Организацијата е нула“ – огромни редици за вакцинирање во Загреб

Утрово голем број луѓе се собраа во Загреб, каде вакцинацијата почнува денеска, како дел од втората фаза. Иако вакцинирањето започна...

Европа21 час

Британски студии: Вакцините драстично го намалуваат бројот на хоспитализирани лица

Две одделни британски студии покажаа дека вакцинацијата придонесува за драстично намалување на бројот на хоспитализирани лица поради Ковид-19, објави денес...

Македонија21 час

Досега вакцинирани 1.155 здравствени работници во Македонија

Досега 1.155 здравствени работници ја примиле вакцината против Ковид-19 во Македонија, информира министерот за здравство, Венко Филипче. Тој уверува дека...

Македонија23 часа

ВМРО-ДПМНЕ: Спасовски веднаш да даде оставка, знаел за бегството на Мијалков

Министерот за внатрешни работи, Оливер Спасовски, да даде оставка веднаш, бара ВМРО-ДПМНЕ, по бегството на Сашо Мијалков. „Оливер Спасовски да...

Спорт1 ден

Мецелдер и формално обвинет за поседување детска порнографија

Поранешниот фудбалер на Реал Мадрид, Борусија Дортмунд и на Шалке, Криштоф Мецелдер, и формално е обвинет за поседување и распространување...

Македонија1 ден

Претрес на автомобилот на oбезбедувањето на Мијалков, запленети „ајфони“ и документи

По повеќе од три часа на распит, полицијата направи и претрес во возилото „пасат“, кое неофицијално припаѓа на обезбедувањето на...

Македонија2 дена

Стејт департментот: Ја следиме ситуацијата со Мијалков

Одблизу ја следиме ситуацијата со Сашо Мијалков, изјави портпаролот на Стејт департментот за „Гласот на Америка“. Оттука велат дека се...

Свет2 дена

СЗО: Богатите земји да не ја уништуваат програмата „Ковакс“

Шефот на СЗО ги обвини некои од богатите земји за поткопување на програмата „Ковакс“ за дистрибуција на антивирусната вакцина наменета...

Топ2 дена

Ограбиле спортска обложувачница во Ченто, пукале, па направиле сообраќајна несреќа

Хаос се случувал синоќа во скопската населба Ченто кога две лица ограбиле спортска обложувачница, а на излегување од објектот испукале...

Досие