САД испитува можна руска улога во хемискиот напад

САД испитува дали Русија била инволвирана во хемискиот напад во Сирија што го натера претседателот Доналд Трамп да го спроведе првиот директен воен напад против режимот на Башар Ел Асад. Пентагон бара било каков доказ дека руската влада знаела за хемискиот напад или била вмешана во него.

Во нападот загинаа барем 80 лица, а беа повредени многу повеќе. Официјално воено лице изјавило дека Пентагон испитува исто така дали руските авиони ја бомбардирале болницата во Кан Шеикхоун пет часа по хемискиот напад со намера да ги уништат доказите.

Русија тврди дека жртвите во Кан Шејкхоун биле предизвикани од нападот на сириските режимски сили на фабриката за хемиско оружје контролирана од бунтовниците, но експертите тоа тврдење го отфрлиле како нереално.

Рускиот претседател Владимир Путин го осуди американското одмаздничко бомбардирање во Сирија како „акт на агресија“ спротивен на меѓународното право. Слики од ужасните последици од нападот го поттикнаа Трамп да дејствува рано во петокот, при што беа лансирани 59 Томахавк ракети од воените бродови во источниот Медитеран.крај/мф