Контакт

Daily news

Франција ќе гласа утре, кои се можните сценарија?

Објавено пред

Претседателските избори во Франција, што ќе се одржат утре,ќе ја решат не само иднината на Франција, туку и целиот поредок на Европската унија.

dobivaj vesti na viber

 

Марин Ле Пен, лидер на екстремниот десничарски Национален фронт, во текот на својата кампања истакна дека ќе иницира процес на излегување на Франција од Европската унија,што не беше примено со воодушевување во Брисел. Таа исто така рече дека ќе започне процес на повлекување на земјата од НАТО, нагласувајќи дека Франција треба да решава за својата надворешна политика. Во неколку навратиЛе Пен ја истакна својата поддршка за Русија и за Владимир Путин при што изјави дека му се восхитува, затоа што на неговата нацијата и го вратил чувството на гордост.

 

Кандидатот на центарот, Емануел Maкрон, пропагира социјален либерализам, про-европски “трет пат” и прогресивизам. Тој исто така вети “демократска револуција” и “ослободување на францускиот потенцијал.” Многумина го сметаат за економски реалист и сметаат дека е доволно обучен да ја води земјата, а во прилог му оди младоста. Какви се шансите на едниот и на другиот и како да се толкуваат актуелните случувања, зависи од исходот на неколку дилеми:

 

Француските политичари веднаш по првиот круг на изборите обезбедија  поддршка за Макрон.Дали таа поддршка ќе придонесе за неговата победа?

 

Идеолошкиот спектар во Франција веќе не е поделен на лево и десно. Тоа се рефлектира на политичките сили кои се за или против Националниот фронт. Претседателските кандидати кои освоија голем број на гласови во првиот круг  отворено го поддржаа Макрон во последната трка за претседател. Ако гласачите ги слушаат своите кандидати, сигурно е дека Maкрон ќе биде новиот претседател на Франција.

 

Зошто за прв пат во историјата, ниту една од двете најголеми партии нема свој кандидат на претседателските избори?

 

Франција се приклучи на светскиот тренд на “криза на естаблишментот” во кој на политичката сцена стапуваат кандидати на екстремната десница и левица. Кризата на социјалдемократските идеи не е присутна само во Франција, поради разочарувањето од Оланд, туку се манифестира и во Шпанија, Грција и Холандија. Од друга страна, пак, републиканците во Франција не го искористија тоа за да ги поразат социјалистите, бидејќи нивниот кандидат Франсоа Фијон како омилен избор ги загуби сите шанси за победа по аферата со фиктивно вработување на неговата сопруга.

 

Може ли Макрон да биде добар претседател, со оглед на тоа дека нема да има свое мнозинство во Прламентот бидејќи не припаѓа на ниту една од двете водечки партии во Франција?

 

Клучно прашање е дали по евентуалната победа Макрон ќе обезбеди за себе широка политичка поддршка. Парламентарните избори ќе се оддржат во Франција во јуни и доколку Французите гласаат за партиите што традиционално ги поддржуваат, на Макрон му преостанува само да направи компромис со некоја од доминантните политички партии , во спротивно има мали шанси да ги спроведе клучните промени.

Може ли сепак да победи Марин Ле Пен  и што ќе значи тоа за Франција и ЕУ, со оглед на тоа дека во овој случај се предвидуваат речиси апокалиптични сценарија?

 

Шансите за нејзината победа се мали, но не и невозможни. Во овој случај постојат две можни сценарија. Првото сценарио е навистина да го спроведе ветувањето за референдум за излегување на Франција од ЕУ – Фрегзит. Второто е да ги релативизира своите ветувања и да се соочи со сите негативни последици од предложените сценарија, како на пример Доналд Трамп во однос на НАТО и Кина.

 

Марин Ле Пен рече дека ако стане претседателка ќе го поништи признавањето на Косово. Реален ли е нејзиниот став?

 

Прашањето за Косово сигурно нема да биде на листата на приоритети на Марин Ле Пен.Освојувањето на власта ќе ја соочи со вистинските полуги на моќ и обврската да ги исполни сите ветувања кон француските гласачи. А,   редефинирањето на односите со ЕУ и излегувањето евентуално од неа значи дека Франција ќе се сврти кон себе и ќе ги игнорира надворешнополитичките прашања во догледна иднина.

 

Сите анкети предвидуваат дека Maкрон ќе победи во вториот круг со 60 отсто наспроти 40 отсто за Ле Пен. Реален ли е тој исход?

 

Резултатот е многу реален,ако некои од потезите или изјавите на Макрон радикално не ја сменат рамнотежата на моќта. Неговата неодамнешна негативна изјава за Европската унија беше обид да ги осигура своите гласачи, како и да преземе некои од поддржувачите на Марин Ле Пен. Можно е во финишот на трката Ле Пен со некој силен потег да се обиде да ја смени сегашната рамнотежа на моќ.

 

Што е најдобра опција за Франција, но и за Европа, ако се земат во предвид мигрантската криза и Брегзит?

 

Победата на Макрон ќе и даде на Франција уште една шанса да ги заврши  внатрешни реформи и да го редефинира своето место во Европската Унија. Многу од прашањата што покрена тој, како што е реформата на еврозоната и безбедност на ЕУ, бараат широка поддршка од другите земји-членки, особено од  Германија. Макрон економски гледа можност да го искористи Брегзит за да Париз стане финансиски центар на Европа преземајќи ја титулата од Лондон.

 

Отворено прашањето е, сепак, дали е тој доволно способен за такви политички и економски промени.Но, со победа на Ле Пен ќе и дојде крај на  Европската унија каква што ја знаеме, бидејќи со Брегзит, со изборите во Германија, со мигрантската криза и со честите терористички напади таа ќе се соочи со повеќе проблеми отколку што може да поднесе во овој момент. Ако Макрон разочара како претседател, на следните претседателски избори позицијата на Ле Пен ќе биде засилена со нов контингент гласачи. крај/мф

 

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија3 часа

Дејвид Гир: Чисто е, одредницата за македонскиот јазик во преговарачката рамка е без дообјаснувања

Дејвид Гир – амбасадорот на Европската Унија во земјава со поддршка за Северна Македонија за побрзо отпочнување на пристапните преговори....

Македонија4 часа

(Видео) Протестот против францускиот предлог и денеска пред Владата

Пред Владата вечерва продолжи протестот под мотото „УЛТИМАТУМ – Не благодарам“. Учесниците се против прифаќањето на францускиот предлог за тргање...

Македонија5 часа

Димитров: Со францускиот предлог Албанија е слободна да си оди напред, а Северна Македонија е таа што е изолирана

Поранешниот министер за надворешни работи од СДСМ и еден од потписниците на Преспанскиот договор – Никола Димитров на Фејсбук детално...

Македонија7 часа

(Видео) Ковачевски: Сметам дека сите пратеници треба да го прифатат менувањето на Уставот

Премиерот Димитар Ковачевски за трите предлози на претседателот на ВМРО-ДПМНЕ, Христијан Мицкоски не одговори конкретно дали ги отфрла, но посочи...

Македонија7 часа

(Видео) Мицкоски: Му понудив на Ковачевски да го отфрли предлогот, а јас да се повлечам од барање предвремени избори

Лидерот на ВМРО-ДПМНЕ, Христијан Мицкоски понудил три решенија за францускиот предлог. Тој не добил никаков одговор на барањата од премиерот...

Македонија9 часа

(Видео) Францускиот предлог прифатлив за Пендаровски

Шефот на државата, Стево Пендаровски кажа дека предлогот од Франција за него е прифатлив. Според него, тој е транзиционен и...

Политика10 часа

Османи до Димовски: Наше е сега дали ќе се одлучиме да го затвориме прашањето за јазикот во ЕУ, еднаш засекогаш

Не се отворените писма начин, но еве нека биде тоа почеток, напиша министерот за надворешни работи Бујар Османи на социјалните...

Македонија12 часа

ВМРО-Народна: Ако нешто е јасно во договорот тоа е дека македонскиот јазик е кристално чисто дефиниран

ВМРО-Народна партија ги разбира сите оние кои се против францускиот предлог и против напредокот на Македонија на европскиот пат, велат...

Македонија13 часа

Илија Димовски до Османи: Замисли Бујар некој да те пристиска да потпишеш дека Ѓерг Кастриот е Србин

Членот и поранешен пратеник од редовите на ВМРО-ДПМНЕ, Илија Димовски со отворено писмо до министерот за надворешни работи Бујар Османи...

Македонија15 часа

ВМРО-ДПМНЕ: Народот кажа масовно НЕ на ултиматуми, денес повторно протест пред Влада

Вчера граѓаните масовно јасно и гласно кажаа НЕ БЛАГОДАРАМ на ултиматуми и диктати содржани во Предлогот кој Владата на Ковачевски...

Македонија15 часа

СДСМ: Пред нас е предлог со чист македонски јазик, Мицкоски само сака да и наштети на државата

Предлогот на француското претседателство е јавно објавен и граѓаните јасно можат да видат се, велат од СДСМ. Она што е...

Европа16 часа

Лукашенко до Западот: Ако се осмелите да не нападнете, одговорот ќе биде моментален

Претседателот на Белорусија, Александар Лукашенко, говорејќи пред Денот на независноста на Белорусија, изјавил дека им наредил на своите вооружени сили...

Македонија17 часа

Ковачевски на средба со Мицкоски за предлогот на француското претседателство

Во рамки на широката консултација која започна да се реализира веднаш по добивањето на европскиот предлог, премиерот Димитар Ковачевски, денеска...

Македонија17 часа

Седница на Советот за безбедност за францускиот предлог

Денеска како што е соопштено во Кабинетот на претседателот ќе се одржи седница на Советот за безбедност. На дневен ред...

Македонија1 ден

Асен Василев: „За македонското прашање си ја завршивме работата“

„Ние ја завршивме нашата работа за македонското прашање“, изјави во Бугарија Асен Василев, кандидатот за премиер од „Продолжуваме со промената“,...

Македонија1 ден

„Партизаните не преговараат со фашисти“, пред Владата се бараше „Не“ за францускиот предлог

Со пароли „Македонија“ „Фашисти“, „Уа“, „Не за ЕУ“, „У-а“, „Предавници“ граѓаните пред Владата бараа да се отфрли францускиот предлог. Тие...

Македонија1 ден

(Видео) Мицкоски: Македонија се буди а оние кои сакаат со потпис да стават крај, ќе стават

“Овде нема партија, овде е само Македонија“, порача вечерва од митингот на ВМРО-ДПМНЕ лидерот на партијата Христијан Мицкоски. „Она кое...

Македонија1 ден

Маричиќ: Имаме шанса за европска интеграција со чист македонски јазик и идентитет, без никакви условувања

Заменик претседателот на Владата задолжен за европски прашања Бојан Маричиќ на својот Фејсбук профил напиша дека со францускиот предлог имаме...

Македонија1 ден

Ковачевски: Се појавија многу лаги и шпекулации врзани со францускиот предлог

Се појавија многу лаги и шпекулации врзани со францускиот предлог, напиша на Фејсбук премиерот Димитар Коавечвски. „Сакам да бидам кристално...

Македонија1 ден

Иванов: Македонскиот народ повторно е сведок на национално предавство

Поранешниот македонски претседател – Ѓорге Иванов повика да се отфрли францускиот предлог за кој смета дека е дел од подли...