Daily news
Осмина од театарскиот буџет за двајца режисери, четири претстави за Витошевиќ и две за Христов
На режисерката Нела Витошевиќ годинава, комисијата за драмска дејност, во состав Петар Арсовски, Викторија Рангелова и Хамди Рашиди, ѝ доверила 4 проекти во разни национални куќи, иако законот предвидува дека еден режисер не може да добие можност да работи повеќе од 2 претстави во годината.
Случајно, и режисерот Васил Христов, партнер на Витошевиќ, ќе работи две претстави во две национални куќи. Ако се пресмета и одземе од вкупниот буџет за театар, на овие двајца режисери ќе се одлее една осмина од вкупниот буџет за театар.
Потписот на Витошевиќ ќе стои зад проектите: „Змеј“ според текст на Евгениј Шварц, што треба да се постави во МНТ, а ќе чини 1.800.000 денари, во Драмскиот театар таа ќе ја работи „Странци“ по текст на Филипо Болоња, која чини 1.500.000 денари, во Битола, пак, ќе ја работи „Галеб“ според текст на Антон Павловиќ Чехов, со буџет од 1000.000 денари, и во Штип, проект од минатата година, ќе го реализира „Бог на масакрот“ според текст на Јасмина Реза, поддржан со 500.000 денари.
Христов ќе работи на сцената на Драмскиот театар, проектот „Кралот Иби“, според текст на Алфред Жари со 1.600.000 денари и во турскиот театар „Баал“ по текст на Бертолд Брехт, со 1.200.000 денари.
Режисерката Нела Витошевиќ неодамна ја доби тужбата против Македонскиот народен театар и го поништи конкурсот за вработување режисери од пред три години. Таа тужела затоа што била убедена дека не ја прмиле на работа поради несогласување со политичката опција.
Логиката на комисијата и Министерството за култура за оваа дејност и увид во распределбата на парите е дека тие добиле двојно помалку од она што побарале. Сепак, фаворизирањето на одредени национални куќи и режисери е пракса што се спроведуваше и во минатото. Иако од Министерството за култура постојано се истакнува потребата од децентрализација и дисперзирано раководење со културните институции, театрите надвор од Скопје не се задоволни од одлуките и ваквата распределба ја сметаат за удар врз нивните театри.
Водечки театарски проект в година е претставата „Месец дена на село“ во режија на Паоло Маџели, според текст на Иван Тургењев. Со ова продолжува праксата најголеми средства да му се доверат на режисер странец за што се побарани 4.255.000 евра, а одобрени се 3.000.000. Оваа претстава е предвидено да се реализира во Македонскиот народен театар, каде што поддршка добиле 8 проекти со вкупна вредност од 13.950.000 евра од побарани 30.558.550.
Ана Василевска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.