Контакт

Интервју/Дебата

(Видео) Активистката Ристеска: Ме избркаа од дома поради марихуаната, тие за мене не се родители

Објавено пред

Девојката која јавно пушеше марихуана и снимката ја сподели на социјални мрежи двапати била апсена, но полицијата не може да дојде во нејзиниот дом за да изврши претрес бидејќи активиската Моника Ристеска многу често ја менува локацијата на живеење. Таа за „Макфакс“ вели дека намерно ја провоцирала полицијата бидејќи тоа било нејзин начин да се избори за своите цели, односно за целосна легализација на канабисот. Ристеска полицијците ги нарекува „кучиња“. Последниот упад полицијата го имала пред неколку дена, но во домот на нејзините родители, каде што таа не живее. Откако родителите пред неколку години откриле дека таа консумира марихуана и во домот пронашле саксии од ова растение, активистката Моника Ристеска била избркана од родната куќа бидејќи на ултиматумот „Ќе ја рекламираш твојата дрога или ќе се откажеш за да бидеш под наш покрив“, таа одбрала да почне од почеток, без поддршка од родителите.

„Тогаш знаев дека сум во право. Решив да чекам неколку години, можеби ќе го сменат мислењето. Но, поминаа многу години, тие останаа на истиот став. Јас ѝ кажав на мајка ми ‘Цел свет ќе дознае и ќе ми признае дека сум во право, а вие можеби и тогаш нема да ми признаете, но не морате. Зад мене стои Бог и ангелите ми помагаат, не ми треба вашата помош’. Беше премногу тешко, особено за девојка, да остане буквално сама на улица. Во тие моменти многу се молев и не престанав да верувам дека ќе излезам на прав пат“, раскажува Ристеска за „Макфакс“, додавајќи дека од пред две години нема никаква помош од своите родители.

Ристеска смета дека болката од тешките моменти со нејзините родители е исплачена и закопана во земја. Активистката вели: „Нема ден да не испушам еден џоинт, освен кога нема средства за тоа. Не создава зависност“.

„Мислам дека повеќе треба да чувствуваат вина што себеси се декларираат како верници и одат во црква, а го бркаат од дома своето чедо. За мене, тие не се родители“, додава Ристеска, одговарајќи на прашањето дали нејзините родители сметаат дека таа тргнала на погрешен пат.

Таа смета дека прави добро и им помага на луѓето. По професија е дипломиран новинар, а има и магистратура. Вели дека со многу труд и работа ќе успее да ја крене свеста за користа од канабисот. Ристеска тврди дека е свесна за сите последици од оваа борба.

„Веќе се навикнав дека некои луѓе ме сметаат за наркоманка. Моето мислење за таквите луѓе е дека се крајно глупави и не заслужуваат да живеат. Најчесто на таквите им се случува да им затреба лекот, па да го променат мислењето“, вели Ристеска.

Канабисот се набавува на црниот пазар и го има насекаде, вели Ристеска, додавајќи дека канабисот се произведува во Македонија, но се увезува и од Косово и Албанија. Според неа, секој што ќе набави станува дел од овој пазар.

„Порано полицијата тепаше за еден џоинт, за една семка. Тепаат малолетници. Порано, семејствата како моето, несвесни зошто се против ова, им ги уништуваа животите на своите деца, па ги затвораа и криминализираа. На пример, за еден џоинт ставени се веднаш на метадонска терапија. За тоа се виновни родителите зашто се глупави“, додава Ристеска.

Првпат пробала марихуана на 16 години и се чувствувала прекрасно, и сфатила зошто марихуаната е забранета. Од тогаш била апсена од полицијата, па дури и за време на прославата на својот роденден, кога полицијата кај неа пронашла 25 грама марихуана. Во домот на нејзините родители имало два упади, а последниот бил пред само неколку денови. Вели дека многу читала и се едуцирала и знае за сите позитивни страни на марихуаната, а истовремено тврди дека нема лошо дејство.

„Секое консумирање канабис е медицински, не може да е поинаку ако не го користиме во индустриски цели. Го користам како крема, ми ја разубавува кожата, помага за брчки, црвенило, акни, стрии, побрзо зараснуваат рани, се лечат лузните, сонот ми е подобар“, вели Ристеска раскажувајќи го своето искуство.

Активистката вели дека не мора некој да го консумира за да го поддржи канабисот или како што го нарекува „божјото растение“, и додава: „Водата во големи количини може да биде поштетна од канабисот“. Моника Ристеска тврди дека и понатаму ќе се залага за производството на масло од канабис да може да го прават и поединци а не само правни лица, како и истиот да може легално да се консумира на јавно место.

Интервју/Дебата

(Видео) Шкријељ: Мизрахи нека не се изненадува, претходно дури имаше случаи на врзување на штитеници во Демир Капија

Објавено пред

Дополнителната заменик-министерка Санела Шкријељ во интервју за „Макфакс“ изјави дека корисниците во домот во Деемир Капија до пред три години биле врзувани и престојувале во страшни услови. Вели дека прозивката на техничката министерка Рашела Мизрахи за домот во Демир Капија била неиздржана затоа што не ја познава областа со која влегла да раководи. Шкријељ вели дека во овие три години ги извлекле сите деца кои биле во заводот и ги сместиле во групни домови.

„Техничката министерка можеби првпат влегува таму и јасно е зошто нејзината реакција е таква. Но, ќе напоменам дека тоа што ние го наследивме таму беа услови за невозможна мисија. Имаше ситуација корисниците за бидат врзувани затоа што вработените не можеа да се справат со нив. Затоа и го спроведовме тој процес на деинституционализација и ги извлековме сите деца од таму. Она што јас и техничката министерка треба да го направиме е да го продолжиме тој процес, а не да настапуваме на овој начин. Но, ќе повторам, разбирам зошто министерката настапува така“, рече Шкријељ.

Таа додава дека на техничката министерка ѝ предложила да се координираат пред да се излегува во јавност за да не се шири паника меѓу граѓаните со нецелосни информации. Предоложила да имаат состанок еднаш неделно на кој ќе одлучуваат заеднички за важни прашања.

„Токму поради тоа што не ја познава областа се ставивме на располагање да помогнеме да се подобрат процесите. Но, ќе повторам, координараноста и кооперативноста ќе зависат исклучиво од неа“, рече Шкријељ.

Дополнителната заменик-министерка рече и дека не би требало да има блокада или застој на институцијата, но додаде дека доколку Мизрахи побара кадровска промена на раководни кадри или смена на директори на центри за социјални работи, Шкриељ ќе го употреби правото на вето и нема да ги потпише овие решенија.

„Врзаниот потпис се однесува на правни и кадровски промени. Се надевам дека Мизрахи нема да побара смена на раководни кадри, но доколку тоа се случи, јас ќе го спречам тој потег. Сметам дека ние сме преодни министри и треба да останеме во рамките на таа надлежност. Оној кој ќе победи на изборите и по 12 април формира влада, нека си спроведува своја кадровска политика“, децидна беше Шкријељ.

Не одговори конкретно на прашањето дали себеси се гледа на листа за пратеник на предвремените парламентарни избори, но додаде дека е време во државата да се одвојат партиските политики од политиките кои се носат во институциите.

Прикажи повеќе...

Интервју/Дебата

(Видео) Глигорова: Одговорност за извршителите ќе бараме и пред Обвинителството за организиран криминал

Објавено пред

Новиот тарифник за извршителите што го предложи Министерството за правда, а денеска го усвои Владата, наиде на делумна поддршка од задолжените граѓани и здруженија што неуморно се борат за укинување на извршителските канцелрии веќе три години.

Еден од најгласните борци против Законот за извршувањето, Ана Глигорова, смета дека овие измени се позитивен чекор напред во решавање на проблемот со многугодишниот финансиски геноцид врз населението, но сепак најавува дека битката на здруженијата на граѓани ќе продолжи и одговорност за, како што вели криминалното извршување ,ќе се бара и од Обвинителството за гонење организиран криминал.

Според Глигорова, протестот на извршителите со еднодневно затворање на канцелариите е бесмислен кога нивните трансакциски сметки се отворени и тие немилосрно наплатуваат камати на долговите.

Во интервјуто Глигорова прави анализа на тоа што ќе значи репрограмирањето на долговите и вели дека е најважно да се води сметка овие измени да функционираат во пракса ретроактивно. Од протестите пред Министерството за правада што се одржуваа шест вторници, вели дека од жалбите и преставките што ги носеле граѓаните за неправедните извршувања во Министерството биле фрапирани. Имало многу емоции од граѓани за нивните случаи кога на пензија од 7.000 денари со години извршител одзема третина од парите. Таа открива и случај на извршител кој си отворил канцеларија во куќа врз која направил извршување.

Прикажи повеќе...

Интервју/Дебата

(Видео) Дескоскa: Не само имот, ќе се испитуваат и влијанија врз судиите од адвокати и лоби-групи

Објавено пред

Министерката за правда во интервју за „Макфакс“ рече дека со идејата за проверката во правосудството нема да биде опфатено само испитување имот на судии и обвинители, туку и евентуално влијание од разни центри на моќ. Бегствата на обвинетите биле еден од мотивите за предлагањето на процесот на проверка.

„За да може да си објасниме зошто некои случаи се водат како што се водат, мора да видиме дали има влијание зад тие случаи, дали влијаат политичари, сегашни, поранешни, дали влијаат адвокатска фела, дали влијае криминално подземје, лоби-групи, бизнис-центри на моќ“, рече Дескоска.

„Се случуваат нелогични работи од правен аспект. Јас не сакам да коментирам судски и обвинителски одлуки, но јавноста веќе на големо почна да зборува за определени предмети и да го поставува прашањето што е причината и зошто на тој начин се однесуваат судии и обвинители. Ако тие прашања не си ги постават Судскиот совет и Советот на јавните обвинители, тогаш ние немаме друга опција, освен да ги искористиме можностите, и тогаш сметам дека треба да се направи еден процес во кој ќе се испита имотната состојба на судиите, но ќе се испитаат и евентуални влијанија во носењето судски одлуки, а тоа важи и за јавните обвинители“, рече министерката.

Дескоска посочи дека е важно проверката да биде направена кредибилно: „Тоа да биде процес во кој ќе веруваат сите. Тука треба да присуствуваат и претставници на европски институции, да имаме не само мониторинг туку и активно учество на лица од европски институции, покрај антикорупционери и луѓе што го разбираат судството…“

На прашањето зошто не отиде во Судскиот совет за да присуствува на седницата и да им го пренесе на членовите незадоволството на јавноста за одредени постапувања во судовите, Дескоска рече дека ја почитува препораката на ГРЕКО, кое утврдило преголемо влијание на министерот за правда, а постапката за измена на Уставот, со која би се извадил министерот од член на Советот, е долга и е Пандорина кутија. „Министрите за правда не присуствуваат на седниците на Судскот совет не сакајќи да дадеме повод за тоа да биде протолкувано како влијание“, рече министерката.

Министерката рече дека Уставниот суд не е надлежен да ја оценува казнената политика во поглед на иницијативата за оценка на членот од Кривичниот законик за злоупотреба на службената положба и овластувањето при постапките за тендери.

„Ако ја анализирате праксата во минатото, ќе видите дека Уставниот суд има донесено судски одлуки во кои се вели дека не може да одмеруваат казнена политика, туку ценат уставност. Уставот никаде не кажува дали некој ќе биде казнет 3,5 или 7 години. Казнената политика ја остава на законодавецот, на Собранието. Лично не гледам основа за одлучување за висина на казна“, рече Дескоска.

Во поглед на барањата на граѓаните за постапувањето на извршителите, министерката за правда рече дека ги разгледала претставките од граѓаните и дека може да се размислува за дополнителни законски измени.

„Имаше предмет што сега го има доставено човек за побарување за кредит што го зел пред 9 години од Македонска банка. Таа банка сега не пости. Се чувал предметот девет години во фиока, сега одеднаш бараат да си плати, му ги бараат каматите и долгот станал голем поради тие камати. Тука реално треба да се размисли за отпис на каматите и долговите, но кога отпишувате долг и камата на приватно лице, мора да најдете средства да го надоместите од државниот буџет“, рече Дескоска.

 

Прикажи повеќе...

Најново

Свет5 минути

Прв случај на мистериозниот вирус во САД

Официјални лица од здравствените власти го потврдија првиот случај на мистериозниот корона вирус во САД, кој уби шест луѓе во...

Свет1 час

Папата до учесниците на форумот во Давос: Луѓето, а не профитот, мора да бидат во центарот на политиката

Папата Франциско испрати писмена порака за да ги потсети делегатите на годинешниот Светски економски форум во Давос на моралната обврска...

Спорт2 часа

(Видео) Словенците се близу до полуфинале на ЕП, Португалците го загубија чекорот

Ракометните репрезентативци на Словенија повторно им се вратија на победите на Европското ракометно првенство по слабата партија и поразот кој...

Регион4 часа

Брисел: Летот меѓу Белград и Приштина е чекор кон нормализација на односите

Воспоставувањето на комерцијален лет помеѓу Белград и Приштина е добар чекор кон нормализирање на односите, изјави денеска Питер Стано, портпарол...

Свет5 часа

Паника во светот поради новиот вирус, ригорозни контроли на аеродромите и железничките станици

Земјите во Азија и другите делови на светот почнаа со проверки на телесната температура на аеродромите, железничките станици и автопатиштата....

Македонија7 часа

(Видео) Ѓорчев: 10.000 граѓани лани се иселиле во Германија

Речиси 10.000 граѓани во 2019 година добиле работни визи и заминале во Германија, рече опозицискиот пратеник Владимир Ѓорчев, кој додаде...

Македонија8 часа

Димитров во Давос: Крајно време е да тргнеме напред

Крајно време е Северна Македонија да направи чекор напред на својот европски пат: отворање на заслужените пристапни преговори со ЕУ,...

Македонија8 часа

Дерковски: Избирачкиот список никогаш не може да биде идеално чист

Претседателот на Државната изборна комисија, Оливер Дерковски, се надева дека на престојните избори нема да има злоупотреба на лични карти...

Македонија9 часа

Османи до партиите: Донесете го Законот за Јавното обвинителство пред изборите

Вицепремиерот Бујар Османи смета дека законот за Јавно обвинителство, кој со месеци е заглавен во Собранието, треба да биде донесен...

Свет9 часа

(Видео) Грета во Давос: Ништо не направивме за климатските промени

Младата активистка за борба против климатските промени, Грета Тунберг, одржа говор на годишниот собир на Светскиот економски форум, кој се...

Свет11 час

Маж од Австралија со симптоми на смртоносниот корона вирус ставен во карантин

Здравствените власти во Квинсленд потврдија дека во Австралија, најверојатно, се појавил првиот случај на зараза со новиот смртоносен корона вирус...

Свет11 час

Почнува судењето за импичмент на Трамп, адвокатите повикаа веднаш да се ослободи претседателот

Во Сенатот на американскиот Конгрес почнува судскиот процес за импичмент на претседателот Доналд Трамп. Минатата недела Претставничкиот дом ги испрати...

Економија11 час

Отворен 50. Светски економски форум во Давос

Педесетиот Светски економски форум во Давос беше отворен синоќа со концерт на Младинскиот оркестар на Европската унија, Симфонискиот оркестар од...

Регион12 часа

Во БиХ секоја година умираат по 3 300 луѓе како последица на загадениот воздух

Во Босна и Херцеговина секоја година прерано умираат околу 3 300 луѓе како последица на изложеноста на воздух загаден со...

Забава14 часа

Автомобилите на Пол Вокер продадени на аукција за 2,33 милиона долари

Дваесет и едно возило во сопственост на трагично починатиот актер Пол Вокер, најпознат по улогата во популарната филмска франшиза „Брзи...

Македонија1 ден

Атиџе од „Медена земја“ добива работа во Општина Лозово и ќе сними две песни

Градоначалникот на општина Лозово, Ацо Велковски, објави дека Атиџе Муратова од филмот „Медена земја“ по турнеите ќе биде работно ангажирана...

Македонија1 ден

Царинска управа: Го подигнавме степенот на проверка на секаков отпад

Во контекст на актуелизирањето на увозот на отпад во земјава, посебно по случувањата во соседството, Царинската управа дополнително го подигнала...

Економија1 ден

Дизелот поевтинува

Од ноќеска на полноќ дизелот ќе поевтини 1,5 денар, а цената на бензините ќе остане иста, соопшти Регулаторната комисија за...

Македонија1 ден

Командир од Полициската станицата Гази Баба сексуално вознемирувал полицајки

Командир во полициската станица Гази Баба сексуално вознемирувал три колешки. Против него ќе биде поведена постапка за утврдување дисциплинска одговорност...

Македонија1 ден

(Видео) Горан Ангелов ќе биде сменет, ќе се истражува каков отпад бил согоруван на „Дрисла“

Утре ќе биде разрешен досегашниот директор на депонијата „Дрисла“, а на 29 јануари на седница на Советот ќе бидат избрани...

Досие