Контакт

Daily news

Нова зграда во Козле ќе го затвори влезот до старите куќи

Објавено пред

Во Козле, зад основното училиште „Владо Тасевски“, набргу треба да се изгради зграда на парцела која во моментот се користи како импровизиран паркинг. Неодамна на истото место, по повеќе години, му беше одземен дел од дворот на основното училиште „Владо Тасевски“ за да биде изградена патека. Жителите што живеат во околината обвинуваат дека дворот бил намерно одземен како дел од подготовките на ова место да се изгради зграда, како и дека градбата може целосно да го затвори пристапот до нивните имоти во местото на кое живеат повеќе од 60 години.

„Ќе нема од каде да дојде брза помош доколку ја повикаме“, вели еден од граѓаните што живее во куќите за „Макфакс“.

Уште една зграда треба да биде изградена во Карпош. Во оваа општина граѓаните се жалат дека речиси и не остана зелена површина или празен простор што не е претворен во градежна парцела. Во најновиот план е предвидена и една зграда во Козле во близина на дворот на училиштето „Владо Тасевски“. Најавата за градбата кај тамошните жители предизвика реакции и загриженост, како и коментари дека тие нема да дозволат да се изгради зградата. Тие тврдат дека одземањето на дел од дворот во училиштето „Владо Тасевски“, каде што сега е направен пат, е поврзано со изградбата на зградата.

Претседателот на Куќниот совет на зградата што се наоѓа на улицата Јуриј Гагарин бр. 55 во Карпош, Спире Чекреџиев, за „Макфакс“ вели дека зградата што се планира да се гради ќе биде премногу блиску до нивната.

„Буквално, се приближува на 14 метри според планот и ќе биде залепена до нашата зграда, а дополнително ќе биде висока 21 метар. Фактички ќе ни ја затвори светлината. Објектот не е решен како што треба од урбанистички аспект, а ниту за паркирањето нема решение.  Улицата не е продолжена, а и не може да се продолжи од куќите што се изградени. Одзедоа и дел од дворот на училиштето, со што целата ситуација за нас е сомнителна“, вели Чекреџиев.

Тој вели дека правеле неколку иницијативи против изградбата и двапати поднеле писма до Општина Карпош за да дознаат кои се плановите за изградба.

„Нашите соседи кои живеат во куќите исто така имаат поднесено барање против изградбата на објектот и тие беа повикани во Општината. Парцелата е многу чудно поставена“, вели тој.

Жителите обвинуваат дека Генералниот урбанистички план на Град Скопје не се совпаѓа со детаљниот урбанистички план на Општина Карпош и, според нив, инвеститорот нема легално одобрение за градба.

И други жители велат дека изградбата на зградата е проблематична. Според нив, таа ќе навлезе во нивните имоти, ќе треба да бидат урнати гаражи, како и дека ќе го затвори пристапот до нивните имоти.

Жител, кој поседува куќа веднаш до местото каде што се планира зградата, вели дека градителите не се јасни што сакаат да градат и не им даваат јасни насоки како ќе изгледа градбата.

„Не ни даваат параметри, координати, точки, каде и што ќе биде. Нема координати, нема геометриски план за да знаеме на што сме. Не само што објектот ќе дојде блиску до гаражите, туку и до куќите ќе ни дојде. Ние не даваме ништо додека немаме јасна слика што ќе се прави. Тие што ќе градат треба да ни дадат јасен предлог што предлагаат. Не сме само една парцела, тука има уште три-четири. Немаме црно на бело врз основа на што се базира таа понуда, како и јасни параметри, за да размислиме дали ни одговара или не“, вели овој жител на Козле за „Макфакс“.

Според него, зградата ќе го затвори влезот на најмалку четири куќи што се наоѓаат на оваа локација. Вели дека не знае како ќе се постави толкава зграда на толку мал простор.

„Ние сме први на удар, но и зад нас има куќи. Ние немаме ништо против тоа човекот да гради, меѓутоа не знам колку ќе му се исплати. Не го решил проблемот со нас овде, ние сме четири куќи први на удар, треба да се решат влезот и излезот, не ни дава никаков проект. А сака да гради. Утре ќе се разболи некој, треба сообраќајно решение да донесе, од каде ќе влегуваме ние? Тој добил дозвола тука да гради, меѓутоа ќе треба да нè обесштети и ако не се согласуваме со понудата, според законот ќе треба објектот да биде подалеку неколку метри. Инаку, ние нема да имаме пат за автомобилите да влезат во нашите имоти, како и за брзата помош. А не само да се изградат 21 метар и после ние од каде ќе одиме, авионски ли да слетуваме“, вели тој.

Зградата ќе ја гради градежната компанија „Мато инжинеринг“ од Куманово. „Макфакс“ испрати прашања до компанијата во однос на плановите за градба и за обвинувањата од тамошните жители, но до објавувањето на текстот од нив не добивме одговор. Надлежните во училиштето „Владо Тасевски“ не сакаа да коментираат дали одземањето дел од нивниот двор е поврзано со изградбата на зградата и нè упатија за одговори во Општина Карпош.

Општина Карпош: Земјиштето е во приватна сопственост

Од Општина Карпош велат дека во однос на дворот на училиштето, кој е одземен токму во периодот кога овде се планира изградба на зграда, станувало збор за патека што е предвидена пред 17 години со детаљниот урбанистички план од 2001 година, а тој ДУП бил потврден со минимална измена и во 2011 година.

„Ваквото урбанистичко решение, поточно изградбата на патека, е во согласност со сите урбанистички правила, но и основните права што се утврдени со закон, а кои се однесуваат на тоа секој граѓанин да има обезбедено пристап до сопствениот имот. Инаку, досега граѓаните од овој дел на Козле одеа по патека што поминува низ приватен имот, а новата пристапна уличка ќе биде на државно земјиште. Со тоа ќе се обезбеди влез до имотот што се наоѓа во приватна сопственост, иако таа патека еднакво ќе им користи и на граѓаните од населбата Козле, односно на сите оние што живеат во околните објекти. Она што е од интерес за граѓаните е и фактот што со изградбата на оваа патека нема да се уништува зеленилото, ниту ќе бидат исечени дрвја“, велат од Општината.

Тие потврдија дека имаат издадено одобрение за подготвителни работи за реализација на објект, односно ДУП за населбата Козле од 2011, поточно Козле, МЗ „Кузман Јосифовски – Питу“ – урбан модул 11, 33, 34 и 35.

„Станува збор за реализација на детален урбанистички план пред речиси 17 години. Притоа не станува збор дека ќе се затвори просторот за пристап до нивните имоти (имотите на граѓаните). Сакаме да потенцираме дека не е точно дека не се средени односите во врска со сопственоста. Земјиштето е во приватна сопственост. Што се однесува, пак, до тоа каде ќе се паркираат возилата на новите станари, се разбира дека ќе се паркираат во сопствената парцела во согласност со издадената документација, инвеститорот е должен да обезбеди место за паркинг за станарите според законските критериуми“, велат од Општина Карпош.

Богоев бара од Уставен запирање на два ДУП-а

Општина Карпош вчера му предложи на Уставниот суд да донесе решение за запирање на одделни акти или дејства преземени врз основа на ДУП за Градска четврт 3 05 и ДУП за Градска четврт 3 04, соопштија вчера од Општината. Општината на чело со градоначалникот Стефан Богоев, го предлага ова поради тоа што не била запазена законски предвидената постапка за донесување два детални урбанистички плана. Oпштината доставила одговор до Уставниот суд на Република Македонија на претходно поднесената иницијатива за оценување на уставноста и законитоста на оспорениот ДУП (детален урбанистички план) за опфатот Градска четврт З 05 помеѓу булеварот Илинден, булеварот 8 Септември, булеварот Партизански oдреди, улицата Љубљанска, Блок 1, Блок 5 и Блок 8.

Кристина Озимец



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Регион3 часа

Маскирани мажи нападнале гости додека гледале фудбал во кафуле во Хрватска, петмина повредени

Гостите на едно кафуле во општината Бискупија во близина на Книн, го гледале фудбалскиот натпревар на „Црвена звезда“ кога група...

Топ4 часа

2019 е најцрна година на патиштата во земјата – за шест месеци загинале 70 лица

Декларативни заложби, намален интизитет на активности и реформи, никакви суштински и системски промени. Искршени возила, семејства што живеат во трагедии...

Топ5 часа

(Видео) Очевидци раскажуваат: Возачот се обиде да го изгасне пожарот во автобусот, но огнот бргу се ширеше

Двокатниот автобус со број 5 на ЈСП, кој гореше во близината на Oпштината Ѓорче Петров, се запалил пред автосервис. Возачот...

Македонија6 часа

Фатиме Фетаи: Секој што згрешил мора да одговара

„Никој не е недопирлив“, вели обвинителката Фатиме Фетаи по проширувањето на истрагата за случајот „Рекет“ и приведувањето на шефицaта на...

Македонија6 часа

(Видео) Се запали автобус на ЈСП во Ѓорче Петров, нема повредени патници

Автобус на ЈСП со број 5 утрово се запали во близина на Општината Ѓорче Петров. Од ЈСП информираат дека при...

Македонија7 часа

СДСМ: Правната држава функционира, законите важат за сите

Правната држава функционира, а законите важат за сите еднакво, коментира СДСМ преку соопштение кога вчера беше приведена специјалната обвинителка во...

Свет7 часа

Во Тексас извршена смртна казна, осуденикот тврдел дека е невин

Во Тексас е извршена смртна казна над Лери Сверинген (48), кој беше осуден на смртна казна во 2000 година за...

Македонија8 часа

„Ла Верита“: Катица Јанева е осудена да стане громобран за сите судии и политичари вклучени во системот за изнуда

Италијанскиот весник „Ла Верита“ најавува дополнителни докази кои потврдуваат директна контрола од страна на државниот врв врз активностите за изнудувањето...

Европа8 часа

Меркел и Џонсон се уверени дека ќе се најде решение за брегзитот

Британскиот премиер, Борис Џонсон, и германската канцеларка, Ангела Меркел, во Берлин изјавија дека се убедени дека ќе се најде решение...

Македонија19 часа

(Видео) Русковска: Не би барала притвор за Јанева без доволно докази

Обвинителката Вилма Русковска по одлуката на судот да ѝ одреди 30-дневен притвор на Катица Јанева, вели дека нејзината колешка претхдно...

Македонија20 часа

(Видео) Триесет дена притвор за Катица Јанева

Од вечерва шефицата на СЈО, Катица Јанева, е во истражниот затвор „Скопје” во Шуто Оризари. Судија на претходна постапка ѝ...

Регион20 часа

Закани за бомби испратени до редакции и аеродроми во Бугарија

Бугарската полиција почна да истражува неколку закани за бомби испратени преку е-пошта до медиумски куќи во Софија и до најголемите...

Македонија22 часа

Павлески: Јанева е жртва на случајот „Рекет“

Адвокатот Стеван Павлески кој ја застапува шефицата на СЈО, Катица Јанева, за случајот „Рекет“ вели дека таа е жртва на...

Македонија23 часа

(Видео) Влада: Одговорност мора да има за сите инволвирани во случајот „Рекет“.

Од Владата соопштија дека отворениот случај „Рекет“, во кој сега осомничена е и првата специјалната обвинителка Катица Јанева, потврдува дека...

Македонија23 часа

Катица Јанева донесена во Кривичен суд на распит

Специјалната јавна обвинителка Катица Јанева попладнево откако беше уапсена, однесена во специјалното јавно обвинителство и во нејзиниот дом, спроведена е...

Македонија23 часа

Заврши претресот во куќата на Јанева, со полиција однесена на распит во суд

По два часа заврши вториот претрес во куќата каде што живее шефицата на СЈО, Катица Јанева. Таа по претресот во...

Македонија1 ден

Обвинителството бара притвор за Јанева, стекнала имотна корист од 298.000 денари

Јавното обвинителство бара притвор за специјалната јавна обвинителка Катица Јанева по проширувањето на истрагата за случајот „Рекет“ и попладнево беше...

Македонија1 ден

Во присуство на Јанева се врши претрес во СЈО

По приведувањето на специјалната јавна обвинителка, Катица Јанева, од нејзиниот дом во скопската населба Козле, таа е донесена во просториите...

Топ1 ден

Скопјанец загина при пад на кран кај зградата на ФФМ, оштетени се и две возила

Скопјанец на возраст од 56-години загинал при работен зафат на зградата на ФФМ во попладневните часови на 20 август. Како...

Регион1 ден

Опозицијата во Албанија го обвини Рама дека украл милијарда евра

Лидерот на албанската опозиција, Љуљзим Баша, во нова видеопорака на социјалната мрежа „Фејсбук“ го обвини албанскиот премиер, Еди Рама, за...

Досие