Македонија
(Видео) Вучиќ за Македонија: Среќен ви пат во НАТО! Ние не сакаме
Српскиот претседател, Александар Вучиќ, повеќе од 1 час одговараше на новинарски прашања по првиот панел од Белградскиот безбедносен форум, кој осма година по ред се одржува во српскиот главен град.
На прашање на „Макфакс“ дали на Србија ѝ значи од безбедносен аспект идното членство на Македонија во НАТО, имајќи ги предвид преговорите со Приштина, Вучиќ беше дециден дека ним тоа ништо не им значи. „Среќен ви пат во НАТО, ние не сакаме. Мене вашиот пат во НАТО не ми значи ништо.“
Вучиќ рече дека му е драго што има присутни новинари од Македонија на Белградскиот безбедносен форум и праша дали добро се чувствуваат, зашто и тој секогаш кога доаѓал во Македонија се чувствувал добро.
Тој беше изненаден од прашање на новинар кој го праша дали синоќа имале средба со раководството на Српската напредна партија и потврди дека се сретнале, но не одговори прецизно дали се договорени нови предвремени избори во Србија. „Редовните избори се 2020 година, но ако биде голем притисокот и ако луѓето сакаат избори, бидејќи народот многу ги сака, не можам сосема да ја исклучам можноста да им излеземе во пресрет на тие кои тоа го сакаат“, рече Вучиќ.
На првиот утрински панел, Вучиќ говореше заедно со австрискиот претседател, Александер Ван Дер Белен, за предизвиците од членството во Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.