Македонија
(Видео) Градоначалникот на Центар го претстави сработеното во првите 100 дена
Градоначалникот на општина Центар, Горан Герасимовски, денеска го претстави сработеното во првите 100 дена од мандатот. Неговата прва активност како градоначалник на општината беше почнување постапка за отворање нова комунална дејност на ПОЦ како клучно барање на граѓаните во предизборниот период.
„При стапување на функцијата веднаш се зафатив со почнување на постапката за отворање нова комунална дејност во Јавното претпријатие ‘Паркинзи на Општина Центар’ со цел да го подигнеме нивото на хигиена во нашата општина. Сите процедури во врска со постапките и анализите треба да завршат набргу по што општина Центар ќе биде единствена скопска општина што ќе има свое комунално претпријатие. Во меѓувреме, организиравме и големи акции за чистење во сите основни училишта, разни локации во општината, како и на Градежниот факултет, од каде што собравме повеќе од 7 тони смет. За 100 дена, општината е веќе почиста, но работа има уште многу“, изјави Герасимовски.
За раззеленување на општината, Герасимовски рече дека засадени се 1.008 нискостеблести садници на потегот на улицта Орце Николов и поставени се 50 жардиниери на улицата Боемска 2, од каде што се извадени бетонските топки. Притоа тој потенцира дека новата општинска власт, поставувајќи 47 столпчиња на улицата, решила голем проблем со сообраќајот кај пекарницата „Силбо“, а воедно е подигната и безбедноста на пешаците. Во делот на паркирањето, враќајќи ја надлежноста на улиците под Општината, обезбедени се 134 резидентни паркинг-места само на улицата Ленинова во Дебар Маало. Герасимовски исто така рече дека веќе е почната градежна офанзива за реконструкција на улици.
„Почнавме вистинска градежна офанзива во првите 100 дена. На почетокот на неделава почнавме со реконструкција на улицата Дебарца и продолжуваме со улицата Црвена Вода и „Партизанска“, како дел од реконструкцијата на 14 улици во општина Центар. Претходно, поставивме нова водоводна мрежа на улицата Отон Жупанчиќ во Дебар Маало“, рече Герасимовски.
Општинската власт, рече Герасимовски, извршила уплата на 35.000 евра за реконструкција на покриви и лифтови, со што овозможила обнова на 6 покривни конструкции и поправка и санација на лифтови во 9 згради. Во делот на урбанизамот тој рече дека си стои на зборот дека нема да дозволи градби што излегуваат надвор од законот.
„Во делот на урбанизамот извршивме неколку вонредни инспекциски надзори на Водно по повод новите градби и будно ја следиме состојбата. Јас уште еднаш го повторувам моето предизборно ветување дека нема да толерираме никаква отстапка од законските прописи. На уливата Самуилова на Калето веќе отстранивме нелегално изграден објект на непознат инвеститор. Стануваше збор за објект од втора категорија, со димензии 10 на 5,5 метри, изграден од армирано-бетонска конструкција При овие интервенции клучна е дојавата од граѓаните и затоа практикувам лични средби жителите. Во неколку наврати досега на моја покана се сретнав со жителите на Водно, од улицата Мирослав Крлежа, ‘Ленинова’, жителите околу пазарчето ‘Буњаковец’ и Црвениот крст. На овие средби и на отворените денови во Општината секогаш присуствуваат и претставници од општинските служби, со што граѓаните директно добиваат одговори за нивните проблеми или барања. На овие средби граѓаните ме информираа дека некои од нив чекаат и по 10 години за легализација на објектите по што потпишав 100 решенија за правна сопственост на објектите“, изјави Герасимовски.
Во првите 100 дена од мандатот Герасимовски изјави дека е исполнето предизборното барање на лицата со оштетен слух и пензионерите, со кое едните добија бесплатно паркирање на сите паркинзи на ПОЦ во целата општина, а другите нов пензионерски клуб во Беверли Хилс. За пензионерите, Герасимовски рече дека општинската власт ја зголемила саатницата на услугите во проектот „Нега на стари лица во домашни услови“ и воведена е административна помош од лица од општинските служби.
За инвестициите во образованието, тој спомена дека реконструирани се сите тоалети во детската градинка „13 Ноември“ во објектот „Јасмин“ и доставени се 100 прочистувачи за воздух во сите градинки и основни училишта во општината. Исто така, Општината за овие 100 дена доделила над 90 стипендии. Тој исто така најави дека многу набргу почнува и доградба на училници во основното училиште „Коле Неделковски“ и изградба на првата градинка во населбата „Пролет“. Општинската власт во овие 100 дена обезбедила бесплатни стоматолошки услуги во висина од 50.000 денари за учениците од социјално ранливите категории, како и 7.000 денари за 100 семејства што имаат новороденче.
Герасимовски порача дека ќе продолжи да работи на проектите со силна мотивација за граѓаните да ја имаат општина Центар онака како што ја сакаат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.
Скопје
Без струја делови од општините Петровец, Ѓорче Петвов и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.