Македонија
(Видео) Димитров: Заложбите на Сиљановска за поништување на Преспа се закана за македонската иднина
Заложбите на госпоѓа Сиљановска за поништување на Преспа се закана за македонската иднина, изјави Никола Димитров, носител на листата во изборна единица 1 од СДСМ.
„Слушнавме преку викендот дека г-ѓа Сиљановска ќе барала да се поништи Преспанскиот договор. Договор што го поддржаа речиси 610 000 македонски граѓани кои гласаа „За“ на Референдумот, којшто за да биде успешен не ни фалеа повеќе гласови „За“, туку ни фалеа гласови „Против“. Договор што го поддржаа 2/3 од народните пратеници во Собранието. Договор што не’ зачлени во НАТО и ни ги отвори вратите за членство во ЕУ. Би сакал да расчистам една работа: Името што го наследивме од нашите претци и што е константа во сите сложени имиња во историјата на македонската држава е името и именката Македонија. Прво, веднаш по Втората светска војна како Демократска Федерална Македонија, од 1946 год. Народна Република Македонија, подоцна од 1963 год. Социјалистичка Република Македонија, па Република Македонија во времето на независноста и сега Република Северна Македонија или Северна Македонија“, кажа Димитров.
Тој кажа дека константата во сите овие сложени имиња е името, именката Македонија. Нити сме ние Мадагаскар, кажа тој, нити сме Маурицус или Монголија, а уште помалку Скопје.
„Да потсетам уште еднаш на зборовите на медијаторот Нимиц: по Преспа никој не може да спори дека во Северна Македонија живеат Македонци кои зборуваат македонски јазик. Што ова воопшто значи? Ќе барала да се поништи Преспанскиот договор?! Тоа значи дека г-ѓа Сиљановска се залага да го поништиме договорот што е гарант на македонската иднина. Тоа значи дека г-ѓа Сиљановска се залага да го симнеме НАТО знамето пред Собранието. Тоа значи дека г-ѓа Сиљановска се залага да заборавиме на Европската Унија. Да им кажеме „не фала, ние повеќе сакаме преплатени споменици и повеќе сакаме да ни се обраќате со Поранешна Југословенска Република Македонија“, рече Димитров.
Тој упати прашање до Сиљановска дали ако била пратеничка во сегашниот состав на Собранието, како ќе гласала на прашањето на собранискиот спикер: Дали сте за ратификација на Протоколот за членство на Република Северна Македонија во НАТО?
„Разбирам дека г-ѓа Сиљановска често делува небаре се срами од партијата што ја кандидирала и чиј што носител е. И јас би се срамел. Но освен што не го познава статутот, очигледно не ја прочитала ниту програмата, каде ДПМНЕ сепак не се осмелува да отиде дотаму на црно бело да напише дека ќе го поништи Договорот којшто е гаранција за македонската иднина. И на крајот за да ги исклучиме сите недоумици, бидејќи понекогаш јавните настапи и’ се конфузни, јавно ја повикувам уште еднаш на македонската јавност да и’ каже дали се залага за понишутвање на Преспанскиот договор“, рече Димитров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.