Македонија
(Видео) Државата четири месеци знае за дискриминацијата на Јанкулоска – променет министерот, проблемот остана
Најмалку четири месеци институциите знаат дека Гордана Јанкулоска заедно со останатите затворенички во затворот „Идризово“ се дискриминирани, но случајот нема разврска. Марјан Спасовски, сега веќе разрешен директор на Управата за санкции, прв, јавно го призна тоа. Вети и дека до февруари дискриминацијата ќе биде минато – но ова остана само на збор. Проблемот со Правилникот кој ускратува низа права на затвореничките остана нерешен. За ова знаеше и ексминистерот за правда, Никола Тупанчески, кој исто така вети брзо елиминирање на дискриминацијата по основ на пол – но, побрзо го сменија него, додеа тој не го смени правилникот. Потоа случајот стигна до членовите на Комисијата за антидискриминација, кои ја потврдија дискриминацијата врз Јанкулоска и жените кои издржуваат казна во „Идризово“. Ова пак, донесе старо ветување од новиот министер за правда, Кренар Лога, кој кажа дека за 30 дена ќе има решение.
„Јас верувам дека во тек на еден месец ќе имаме решение соодветно за тоа прашање“, рече Лога пред една недела, а на брифингот со новинарите го објасни процесот на работа: „Првата недела имаме информации, втора конструкција, за месец дена барам решение. Не само за оваа проблематика, туку за сите работни групи. Тоа е начин на работа“.
Првото ветување за решавање на проблемот со дискриминацијата имаше Марјан Спасовски, ексдиректор на Управата за извршување санкции. Тој во интервју за „А1он“ даде рок до крајот на јануари, почеток на февруари, во кој Никола Тупанчески требаше да го зимени Правилникот кој ги дискриминира жените во „Идризово“. Тоа не се случи, а тој беше разрешен на 17 јануари. Тупанчески имаше 26 дена за да стави потпис за промена – но тоа исто така не се случи.
„Гордана Јанкулоска не ја пуштаме бидејќи правилникот во казнено-поправните установи од отворен и полуотворен тип имаат еден тип на правилник, а правнилник во КПУ ‘Идризово’ е друг тип. Во овој случај, Гордана Јанкулоска бидејќи е женско осудено лице и се наоѓа во казнено-поправен дом ‘Идризово’ од затворен тип, тука има пропуст во делот на Правилникот. Во овој момент хендикеп за Јанкулоска е што се наоѓа на издржување на затворска казна во ‘Идризово’ бидејќи женско одделение имаме само во тој затвор“, рече Марјан Спасовски, сега разрешен директор на Управата за извршување санкции, кој прашан дали е тоа дискриминација, додаде: „Апсолутно се согласувам. Формирана е работна група, се надевам до крај на овој месец или во наредниот месец, правилникот ќе биде сменет“.
Пред две недели, пристигна и мислењето на Комисијата за заштита од дискриминација. Тие го констатираат тоа што Јанкулоска го укажуваше – дискриминација има. Таа и другите затворенички не можат да користат низа привилегии, кои би ги имале, но само ако биле мажи. Од таму појаснуваат дека на Јанкулоска ѝ биле оневозможени посети надвор од установата, одмор, како и работно ангажирање. И тие бараат промена на Правилникот.
Проблемот со дискриминацијата е долгогодишен. Првпат како тема во јавноста се отвори по укажувањата на Влатко Илиевски, адвокат и сопруг на Јанкуловска. Тој ја поднесе претставката која ќе треба на сите затворенички да им донесе исти права како на затворениците. Тој уште во декември минатата година укажуваше на дискриминацијата по основ на пол, за која рече: „Освен во Авганистан, и кај нас има дискриминација по пол“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова телефонски разговарала со Зеленски: украинскиот народ може и во иднина да смета на македонското сојузништво и пријателство
Претседателката Гордана Сиљановска Давковa денеска оствари телефонски разговор со претседателот на Украина, Володимир Зеленски.
„Во разговорот со украинскиот претседател Зеленски, Сиљановска Давкова ја нагласи нашата цврста и недвосмислена поддршка кон Украина во однос на неиспровоцираната и неоправдана руска воена агресија. Осврнувајќи се на меѓународното право, принципите на Повелбата на ОН и Статутот на Советот на Европа, претседателката рече дека украинскиот народ може и во иднина да смета на македонското сојузништво и пријателство во справувањето со историскиот предизвик со трајни и несогледливи последици.
Двајцата соговорници разменија мислење и за претстојниот Самит чиј домаќин ќе биде Швајцарија, а со цел да создаде рамка поволна за сеопфатен и траен мир во Украина“, соопштија од нејзиниот кабинет.
Претседателот Зеленски во текот на разговорот ја поканил претседателката да ја посети Украина, за што тие, како што е појаснето, дополнително ќе се консултираат на Самитот во Швајцарија.
За време на разговорот биле нагласени одличните билатерални односи меѓу двете земји, карактеризирани со идентични вредности, меѓусебна почит и разбирање, силно потврдени со континуираната соработка во сите области од заеднички интерес.
Сиљановска Давкова и Зеленски ја реафирмирале посветеноста од натамошна заемна поддршка во меѓународната дипломатија, во насока на исполнување на европската аспирација на двете држави.
Телефонскиот разговор со Зеленски, Сиљановска Давковa го оствари од Рим, за време на нејзината посета на Италијанската Република и Светиот Престол по повод манифестацијата „Македонија во чест на Св. Кирил“.
Македонија
Таравари уште размислува дали ќе биде министер за здравство: „Можноста не е исклучена, но не е дефинитивна“
Арбен Таравари, еден од партнерите на коалицијата „Влен“, а кој моментно е градоначалник на општина Гостивар, сѐ уште не одлучил дали ќе биде во идната влада како министер.
Тој потврди дека некои од пишувањата на некои медиуми за поделбата на владините ресори и службените места се точни. Според Таравари, конечниот договор меѓу идните владини партнери, „Влен“ и ВМРО-ДПМНЕ, најверојатно, ќе биде објавен денеска или утре, стои во напишаниот допис.
„Алијансата ќе има двајца министри, вицепремиер за добро владеење и транспарентност и министер за здравство и двајца заменик-министри, како и двајца државни секретари, и тоа заменик-министер за одбрана и заменик-министер за земјоделство. Државен секретар за здравство и уште еден на кој сега не ми текнува“, изјави Таравари.
Таравари вели дека сѐ уште не се дефинирани имињата на кадрите што ќе бидат назначени на овие позиции.
Запрашан дали ќе биде следниот министер за здравство, тој рече дека не одлучил и сѐ уште размислува дали ќе ја прифати оваа функција. „Не е исклучена можноста, но не е дефинитивна“.
Таравари ги коментира и резултатите од прегласувањето и истакна дека тие воделе на 8 мај и сега, како што рече тој, се во голема предност.
„ДУИ може да ги обжали резултатите, но резултатите се такви. Тоа беше очекувано и сега бранот промени не може да се запре, па ДУИ мора да го прифати резултатот. Граѓаните сега се ослободени, гласаат малку послободно од порано и посакувам ДУИ да ја прифати оваа реалност. Сега ‘Влен’ има еден пратеник повеќе, ДУИ еден помалку“, изјави Таравари.
Македонија
Црква изградена во 1874 година настрада од минирањата на „Бехтел и Енка“, велат од партијата Левица
Во селото Ореовец (Прилепско) се наоѓа црквата „Св. Димитрија“, која е гробиштен храм изграден во 1874 година. Црквата претрпе огромни штети по вршењето на минирањето од страна на американско-турскиот конзорциум „Бехтел и Енка“, велат од партијата Левица.
„Штетата е настаната по минирањето во непосредна близина од страна на преплатениот од народни пари конзорциум, што предизвикало земјотреси чија последица се одразила и на овој објект. Во Црквата има фрески постари од 150 години – дел од нив изработени на дрво и кожа, кои освен што се од огромно значење за месното население, туку тие претставуваат и богато културно наследство за овој крај.
Од потресите, оштетени и испукани се ѕидовите на Црквата и ако се продолжи со минирање, голема е веројатноста да настанат штети од поголеми размери, што не ја исклучува можноста да се случи и нејзино целосно рушење.
Покрај штетата на Црквата, од минирањето: загрозени се извори на вода од кои и денес се снабдува Прилеп со вода; оштетени се куќи во селото Ореовец; се крева прашина која поради струењето на воздухот и релјефот на теренот целосно паѓа во Прилеп и прилепските села и се уништуваат ендемични видови на животни.
Прилепчани десетина дена прават протесна блокада на патот кон село Ореовец и не дозволуваат машини и работници да продолжат со минирање и ископување. Пратеникот од редовите на Левица – Сашко Јанчев, присуствуваше на протестите и даде поддршка на блокадата.
Левица претходно го блокираше спроведувањето на договорот со „Бехтел и Енка” со илјадници амандмани. Сега најавуваме дека нашите активисти се спремни веќе и физички на терен да ја поддржат борбата на граѓаните“, соопшти партијата Левица.