Македонија
(Видео) Шилегов: Работиме на решавање на проблемот со кучињата скитници
При извршувањето увид во градежните работи за реконструкција на улицата Ацо Шопов во општина Карпош, градоначалникот на Град Скопје, Петре Шилегов, одговарајќи на новинарско прашање и денеска уште еднаш посочи дека градот работи на изнаоѓање решение за кучињата скитници.
„Овој град требало да работи по законските прописи коишто важат во Република Македонија, особено кога се животни скитници во прашање 10 години. Тоа никој пред мене не го сработил, не можете да очекувате дека сега градоначалникот со волшебно стапче може да го реши тој проблем, меѓутоа мора да го поставите системот којшто постепено ќе донесе до исчезнување на животните скитници, за на среден рок да кажете дека сте го решиле проблемот, тоа е она коешто сега го работиме“, изјави Шилегов.
Шилегов додава дека мора добро да се постави основата за да се влезе во имплементација на целокупниот систем.
„Веројатно, не очекувате дека јас за 10 месеци треба да изградам и нови стационари за кучиња скитници, а да немате предвид дека претходната администрација изградила дивоградба. За мене тоа е една од најапсурдните работи што ги имам чуено, градот да гради дивоградба“, додаде градоначалникот на Град Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.
Скопје
Без струја делови од општините Петровец, Ѓорче Петров и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)