Македонија
Канческа-Милевска си го наградила возачот со 2.000 евра
Државните ревизори пронајдоа серија неправилности при ревизијата на сметката на буџетот на Министерството за култура за 2016 година додека со него управувала ексминистерката Елизабета Канческа-Милевска.
Наодите од ревизијата покажаа дека ексминистерката за култура побарала од Министерството за финансии согласност за обезбедување 127 илјади денари во бруто-износ за ангажирање возач врз основа на авторски договор за период од 1 година. Финансии дало согласност на барањето на Канческа, но ревизијата утврдила дека лицето што всушност било дополнително ангажирано како возач било државен службеник и работело како самостоен референт во Секторот за општи работи.
Во Министерството за култура без решение биле ангажирани 6 службеници во кабинетот на заменик-министерот Драган Недељковиќ, иако за тоа не е законски предвиден кабинет за координација. За тројца од нив не била водена евиденција за присуство.
За сума од 818 илјади денари биле направени расходи за угостителски и ресторански услуги, без соодветна документација. Корисниците на услугите не изготвиле барања за службен ручек или вечера за домашни или странски гости, кое треба да го одобри овластено лице од институцијата.
При службено патување во странство потрошени се 232 илјади денари за трошоци за репрезентација, што е спротивно на уредбата за издатоци за службени патувања, каде што издатокот за исхрана е пресметан во дневницата.
Ревизорите напишале дека во бифето на Министерството за угостителски услуги биле исплатени 2 милиона и 178 денари денари или приближно 35 илјади ерва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денес свечено примопредавање на претседателската функција
Во Кабинетот на претседателот денес ќе се одржи официјална церемонија на примопредавање на функцијата Претседател со највисоки државни и воени почести.
По свечената церемонија новоизбраната претседателка Гордана Силјановска Давкова и досегашниот претседател Стево Пендаровски чијшто мандат истекува денес, предвидено е да остварат тет-а-тет средба.
Државната изборна комисија вчера и’ го издаде уверението за избран претседател на Гордана Силјановска-Давкова. Во текот на денешниот ден таа пред пратениците во Собранието ќе даде свечена изјава.
Скопје
Посебен режим на сообраќај во Скопје
СВР Скопје ги известува граѓаните на Скопје дека од 08.30 часот до 10.30 часот, поради одржување на улична трка, од страна на Единицата за безбедност на патниот сообраќај при СВР Скопје ќе бидат преземени мерки за посебен режим на сообраќај и тоа по сообраќајниците по кои ќе се движат натпреварувачите, кои имаат стартна позиција на бул.„Илинден“–локација Фонтана, ќе се движат по бул.„Илинден“ до крстосница со ул.„Никола Парапунов“, потоа до крстосница со бул.„Партизански одреди“, десно (кон населба Ѓорче Петров) до мостот Влајко, каде што вртат полукружно и назад по истиот коловоз до крстосницата со ул.„Љубљанска“, каде вртат полукружно и по истиот коловоз се враќаат назад на ул.„Никола Парапунов“ и по бул.„Илинден“ до целта на локација Фонтана на бул.„Илинден“.
СВР Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
Македонија
Сончево време, попладне со зголемена облачност и температура до 26 степени
Времето претпладне ќе биде сончево со умерена облачност. Попладне наместа ќе има зголемена облачност со краткотраен пороен дожд и услови за ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 11, а максималната ќе достигне од 19 до 26 степени.
Во Скопје сончево со умерена, а попладне зголемена облачност. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 24 степени, јавува УХМР.
Во следните денови времето ќе биде променливо облачно со сончеви периоди. Во попладневните часови ќе има локална појава на нестабилна облачност со пороен дожд и грмежи, особено во вторник, кога дневните температури ќе опаднат за неколку степени.