Македонија
Панова до Бочварски: Една лопата не е удрена, а Македонија веќе должи 300 милиони евра
На денешната седница во собранието пратеничката од редовите на ВМРО-ДПМНЕ, Ели Панова постави пратеничко прашање во однос на коридорот 8 и 10 Д до министерот Благој Бочварски за тоа дали наведените суми за аванси и пенали од тајниот договор се точни и дали знае што следува ако ја презел ваквата обврска надвор од своите ингеренции.
„Ги суспендиравте сите важечки закони во Македонија и конечно ќе удрите лопата. За жал лопатата се уште не е удрена а граѓаните се веќе должни милиони евра кои што условно кажано до вчера требаше да бидат исплатени согласно тајниот договор. Ова може да биде капитален банкрот. Кукавичкото јајце беше снесено во гнездото на пратениците. Од кога е потпишан договорот за коридорите има поминато 45 дена за кои што лопата не е фрлена а за пенали и аванси владата превела обврска од 300 милиони евра. Тајниот договор буди сомнежи и недоверба кај граѓаните. Но некој помеѓу вас не е ваш и договорот веќе не е така тајна. Првата обврска е директна исплата на аванс од 50 милиони евра, 117 милиони евра е втората ставка за подготовка на градилиште и припремни работи, пенали ќе плаќаме 53 милиони евра, дополнително и 900 илјади евра поради тоа што не е променет законот за работна недела. Тоа значи 300 милиони евра за аванси и пенали. Парафот и потписот е на Бочварски и пратеничкото прашање е за него сакам да ми одговори дали сите овие наведени суми се точни, да одговори прецизно и точно и дали истиот знае што следува ако ја презел ваквата обврска надвор од своите ингеренции“, нагласи Панова.
Панова исто така го праша и Ковачевски кој е премиер во Македонија тој или Груби, поради тоа што не го објави договорот за коридорите јавно.
„Господине Ковачевски одговоривте на местото на Бочварски кој што не беше присутен, заради тоа што очигледно бега од одговорност, и како може некој да биде подносител на закон а да нема извршено увид во договорот“ истакна Панова.
Панова му посочи на Бочварски дека одговорност ќе има и одговорност ќе се сноси бидејќи тој единствениот потписник на договорот.
„Одговорност ќе има и одговорност ќе се сноси, според членот 353од законот според кој службено лице со пречекорување на границите на своето службено овластување нанесува штета ќе се казни со казна закон од 6 месеци до 3 години дополнително ако делото е вршено при јавна набавка или на штета на буџетот сторителот ќе се казни со казна од 5 години, вие господине Бочварски сте единствен потписник на ваквиот штетен договор“, нагласи Панова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Неколку скопски општини утре ќе останат без струја
Без електрична енергија утре од 07:00 до 16:00 часот ќе останат дел од корисниците во населените места Волково и Кучково, општина Ѓорче Петров.
Како што соопшти РЦУК – Скопје, прекинот е поради технички зафати во електро дистрибутивната мрежа.
Македонија
Филипче: Почитта кон работниците ја преточивме во подобри права и повисоки плати
Меѓународниот ден на трудот 1 Мај Д-р Венко Филипче го поминува во Дојран од каде испрати порака дека работничкиот труд, солидарност и истрајност треба високо да се ценат. Како носител на листа во Изборната единица 4 од СДСМ и Коалицијата за европска иднина Филипче потсети на најтешките времиња и најголемите кризи кога во прашање беше здравјето на граѓаните и егзистенцијата на семејствата.
„Влогот на работниците нивниот труд, солидарност и истрајност најмногу го почувствувавме во најтешките времиња. И не го заборавивме. Го вреднуваме и унапредуваме. СДСМ е партијата која обезбеди повисока минимална плата за работниците и постави методологија за сигурен и континуиран раст што денес резултира со минимална плата од 22.500 денари. Тоа беше незамисливо до пред само седум години. И продолжуваме. Си поставивме цел за минимална плата од 600 евра и просечна плата од 1.100 евра во новиот мандат. Работниците се двигатели на секоја економија во секоја држава. Затоа не се откажуваме од унапредување на работничките права, растот на платите и обезбедувањето подобро платени работни места“, порача Филипче од Дојран.
Д-р Венко Филипче на денешниот меѓународен ден на трудот потсети дека за седум години просечната плата од 22.000 денари денес е зголемена на близу 40.000 денари, а минималната плата од 8.000 денари денеска изнесува речиси 23.000 денари. Тој зборуваше и за невработеноста која од 25% во 2016 година е преполовена на 12,8 %, дека е зголемен животниот стандард и куповна моќ за цели 35% како и тоа дека недела е ден на семејството и е неработен ден.
Грижејќи се за граѓаните Филипче не изуми и на антикризните мерки и обезбедените 2,6 милијарди евра за поддршка на граѓаните и стопанството со што беше заштитен животниот стандард и достоинството на граѓаните, но и зачувани работните места.
Д-р Филипче од Дојран зборуваше и следниот мандат кој предвидува програма за млади во која младите до 26 години ќе добиваат по 200 евра за прво вработување, субвенции и поволни цени за купување сопствен дом за млади до 29 години, како и гарантирана плата за млади, додека грантовите за отпочнување на сопствен бизнис за млади, се зголемува на 8.000 евра. Д-р Филипче се осврна и на растот на платите на здравствените работници во следниот мандат.
„Платите на медицинскиот персонал значително ќе се зголемат. Специјалистите ќе имаат до 180.000 денари плата, општите доктори, до 120.000 денари. Медицинските сестри, до 90.000 денари. Само во земјава од цел регион имаше реален раст на плата за време на кризата. Доколку повторно ја добиеме вашата доверба во наредните четири години ќе обезбедиме европски и достоинствен животен стандард за граѓаните. Нека е за многу години денот, Честит 1 Мај, ние ќе продолжиме во духот на социјалдемократијата да го почитуваме и цениме трудот на секој работник“, порача Филипче.
Македонија
Битиќи: СДСМ е партија која се води од социјална правда, еднаквост и солидарност
„Гласот за број еден, за СДСМ и Коалицијата за европска иднина, е глас за поголеми плати и унапредени работнички права. Седум години градиме економска атмосфера на постојан раст на платите, да не дозволиме ова да биде загрозено – работниците и работничките тоа не го заслужуваат“, им порача на сопартијците Фатмир Битиќи, потпретседател на СДСМ и ко-носител на листата на кандидати за пратеници во Изборна единица 2, на денешниот Првомајски пикник кој беше организиран од партијата во Градскиот парк во Скопје.
„Двојно ја зголемивме просечната плата од 2016 година, денес таа изнесува речиси 40.000 денари. Минималната плата не ја оставивме на егзистенцијалниот минимум, на кој ја затекнавме во 2016, кога изнесуваше 10.000 денари, сега таа изнесува 22.500 денари. Знаеме дека треба уште повеќе, затоа ветуваме просечна плата од 1.100 евра и минимална плата од 600 евра во наредните четири години. Ова е добриот глас кој треба да го ширите до секој човек, во секое село и град“, порача до членовите на СДСМ потпретседателот Битиќи.
Тој истакна дека СДСМ е силна партија и денешниот Ден на трудот треба да биде дополнителна мотивација за поголемо заедништво во пресрет на денот на изборите на 8 – мај и продолжување на битката за европска Македонија.
„Не смееме да се откажеме, социјалдемократијата не обврзува да водиме грижа за секое работно место, за достоинствена плата. Никој друг, само ние, социјалдемократите можеме тоа да го понудиме на граѓаните со програмата каде работникот е на прво место. Никој да не биде изоставен од економските успеси, што значи повисоки плати и пензии, поголема куповна моќ и подобар квалитет на животот. Ќе се погрижиме секое домаќинство да ужива во сигурна финансиска иднина, со поголем пристап до услуги и можности“, рече Битиќи.
Потпретседателот на партијата посочи дека СДСМ е партија која се води од социјална правда, еднаквост и солидарност и секогаш е на страната на работниците, го почитува и вреднува нивниот труд.