Македонија
Се шири истрагата, уште шест лица приведени за убиството во Мала Речица
Се шири истрагата за вчерашното убиство во тетовската Мала Речица, кое што се случи во близина на седиштето на Демократската унија за интеграција. Како што неофицијално дознава „Макфакс“ во текот на денов се приведени уште шест лица поврзани со вооружениот инцидент во кој беше убиен Наип Реџепи, а две лица се повредени.
„Шест нови лица денеска се обезбедени. Известен е надлежниот јавен обвинител и се работи на расчистување на случајот“, потврдуваат извори од истрагата.
Четириесет и шестгодишниот Наип Реџепи од селото Белановце, општина Липково, почина во Клиничката болница Тетово откако им подлегна на повредите здобиени во престрелката во Мала Речица. Во инцидентот е повреден Флорим Мисини (22) од кумановското село Черкези, кој е хоспитализиран на Ургентниот центар при комплексот клиники „Мајка Тереза“-Скопје. Тој има потешки повреди од прострелна рана.
Четириесет и едногодишниот С.Р.(41) од селото Белановце, општина Липково, исто така има прострелни рани, но е полесно повреден и се лекува во тетовската болница.
Претходно полицијата информираше дека привела четири лица за понатамошна постапка. Истражните органи, како што дознаваме, вршеле увид на местото на убиството во текот на целата ноќ. Притоа биле пронајдени траги од крв, осум чаури од пиштолска муниција, еден неиспукан куршум од пиштолска муниција, три зрна од куршуми и една безбол палка.
Пукањето се случи на улицата каде што е седиштето на ДУИ, а во близина има и објекти на познати тетовски бизнисмени. На пукањето му претходела расправија меѓу две групи, која потоа прераснала и во оружена пресметка.
Демократската унија за интеграција (ДУИ) со соопштение до медиумите ги демантираше информациите дека во нејзиното седиште во Мала Речица имало пресметка или инцидент.
Д.Т.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.