Македонија
Усвоена е Стратегија за паметна специјализација на РС Македонија 2023-2027, со Акциски план 2024-2025 година
Владата на денешната седница ја разгледа Информацијата во врска со донесување Стратегија за паметна специјализација и усвои Стратегија за паметна специјализација на Република Северна Македонија 2023-2027, со Акциски план 2024-2025 година.
Примената на концепт за паметна специјализација во поттикнување на економскиот развој, како што е образложено од предлагачот, Министертсвото за образование и наука, е со цел усогласување со европски регулативи и пракси во делот на науката и истражувањето и за претпријатија и индустриска политика, произлегува и и од скрининг процесот на ЕУ, односно објаснувачките и билатералните состаноци и е утврдено и во годишните извештаи на Европската комисија за напредокот на Република Северна Македонија.
Целта е поттикнување зелен и одржлив раст, преку вклучување знаење, иновации и технологија, за создавање производи и услуги со висока додадена вредност, конкурентни на меѓународниот и домашниот пазар.
Задолжени се Министерството за образование и наука и Министерството за економија, во координација со Фондот за иновации и технолошки развој, Агенцијата за поддршка на претприемништвото, Развојната банка на Северна Македонија, Агенцијата за странски инвестиции и промоција на извозот, Дирекцијата за технолошко индустриски развојни зони, да го следат спроведувањето на Стратегијата за паметна специјализација на Република Северна Македонија 2023-2027, согласно Акцискиот план 2024-2025.
Задолжено е Министерство за образование и наука еднаш годишно да ја информира Владата за текот на спроведувањето на усвоените Стратегија и Акциски план.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Демири на заминување го разреши и директорот на Кардиохиругија: Открив дека 170 пациенти не се внесени во „Мој термин“, за нив нема отпусни писма ни умреници
Министерот за здравство Илир Демири го разреши медицинскиот директор на Клиниката за кардиохирургија Марјан Шокаровски . Открил дека во Клиниката минале 170 пациенти кои не се внесени во „Мој термин“. Разрешена од функцијата е и Александра Ефтимова која од 2011 раководи со проектот за превенција на кардиоваскуларни заболувања. Не му дала извештај на министерот кои се странските експерти на кои државата им плаќа дневница од 700 евра за надгледување и помош во работата на лекарите.
До неевидентираните пациенти дошол откога формирал комисија да ги испита соменжите во јавноста за наводна зголемена смртност на клиниката. По сомнежите во јавноста за зголемена смртност на Клиниката за кардиохирургија, Демири формирал комисија да ги испита сомнежите.
„Извештајот кој го добив во петокот кажува дека нема значајна поврзаност по инсуинациите дека е зголемена смртноста меѓутоа има друг податок, тоа денеска го дознав, дека има 170 пациенти кои не се внесени регуларно во ‘Мој термин’ и немаат отпусно писмо или прилог умреница. Таквите пациенти, бројката на смртност сигурно може да ја сменат. Затоа денеска одлучив ова да го суспендирам, му престанува функцијата медицински директор на доктор Шукаровски. Тоа е една од причините, друга причина се крајно нарушените меѓучовечки односи во таа институција. Во една таква врвна институција едноставно се недозволиви такви нарушувања на односи“, рече министерот Демири нагласувајќи дека не сакал да разрешува оти е на заминување од функцијата.
Во пакет со Шокаровски министерот ја резреши и Ефтимова која, како што вели, не му дала список на експерти кои добиле дневници по 700 евра за помош на Клиниката.
„ Јас побарав извештај од Александра Ефтимова која ја води програмата од 2011 година, и таа е разрешена од позицијата, комплетно со комисијата бидејќи не даваат извештај кои се тие светски познати експерти кои доаѓаат од Република Србија, наводно од центарот Дедиње. Во присуство на такви познати светски експерти, кога државата плаќа толку пари, зошто да има таков исход и таква смртност. Тоа е една од причините и се надевам дека ќе дојдам до тој извештај“, рече министерот Демири.
Клиниката за кардиохирургија ја тресат скандали цела година. Разрешувањето на Сашко Јовев од функцијата директор ги изнесе на протест вработените кои јавно му дадоа поддршка откога Фатмир Меџити, тогашен министер за здравство, го разреши оти „не дозволува да има директори што спијат“. На негово место го назначи Шокаровски кој само неколку месеци подоцна во полиција пријави дека бил нападнат од претходниот директор Јовев, а се појавија и снимки од турканицата во болницата.
Министерот во заминување го разреши и медицинскиот директор на Клиниката за токсикологија, Данил Петровски поради наводно несовесно работење.
Македонија
„Што сте се фатиле околу Бесија, зошто да ја разрешам“ – Демири за директорката на Токсикологија вели дека таа не го прекршила законот
Министерот за здравство, Илир Демири, и денес повтори дека не планира да ја разреши организациската директорка на Клиниката за Токсикологија, Бесија Иљази, по скандалите во последните месеци.
„ Зошто да ја разрешам? Сте се фатиле околу Бесија. Таа не ги вработиле тие 18 лица, туку се вработени во 2023. Каде бевте вие и останатите директори и министрите да кажувате за квалитет и неквалитет? Зошто дозволувате тие луѓе да се на список на дежурства и смени, а месец дена пред изборите, реагирате зошто се вработени? Имам факти дека медицинскиот директор заедно со другиот колега кои се трудеа да направат мобинг, сум ги разрешил. Каде беше ДСЗИ кога тие пет месеци не примале плата и да реагираат? Тие работеле 12 месеци, каде бевте вие да прашате за одговорност. Бесије кога ќе го прекрши Законот, или Шукароски или Александра, како и да се вика, јас ќе го разрешам. Таа не го прекршила законот. Каде е ДСЗИ да достави извештај за случувањата на хируршките сали“, рече Демири.
Министерот денес објави дека е разрешен директорот на Клиниката за кардиохирургија, д-р Марјан Шокаровски. Ова се случува по наодите за зголемена смртност на Клиниката.
Македонија
ЦУК: Осумгодишно дете со хеликоптер пренесено во Истанбул поради операција
Од утрово е реализиран хеликоптерски транспорт на осумгодишно дете, до болницата „Медицински парк“ во Истанбул, Турција, заради операција на ‘рбетниот столб, со хеликоптер на МВР што се опремува со преносна медицинска опрема.
Конкретно, на ден 13 мај 2024 година, преку Единствениот повикувачки број за итни случаи 112 во ЦУК, а потоа дополнително преку електронска пошта до Центарот за управување со кризи било упатено барање, од родителот на детето, за транспорт од Охрид до болницата во Истанбул.
Инаку, детето коешто се транспортира со хеликоптер, имало проблем со моториката, не може самостојно да оди, не зборува и има голем степен на искривување на ‘рбетниот столб, повеќе од 80 отсто. Заради наведените здравствени проблеми долготрајниот транспорт по земја е можно дополнително да се одрази негативно врз здравствената состојба на детето. Ако се земе предвид дека оваа операција на ‘рбетот спаѓал во тешки и ризични операции, а постоперативното опоравување е долгорочно и многу тешко, особено во таква состојба, констатирано е дека друг вид на транспорт со толкаво времетраење е многу ризичен и опасен по животот на девојчето.
По упатеното барање во ЦУК, во координација помеѓу Министерството за внатрешни работи и Министерството за здравство на барањето е позитивно одговорено и денеска е денеска успешно се реализираше транспортот на болното дете со хеликоптер на МВР што се опремува со преносна медицинска опрема до Истанбул.
Според комуникацијата што ја оствари ЦУК, детето е веќе сместено во Медицинскиот центар во Истанбул, а за кратко време хеликоптерот ќе се врати во базата во Скопје.